يا كثر ما جا التميمي مـن عذاريبـي ويصبر على اللي نقوله صبر مسجوني وانا الطواري تجيني نـوب وتغيبـي ولا صحيـت باللـي قلـت مجنونـي تدري ولا غير شخصك شخص يدريبي وبعض العرب يالتميمي ما يعذرونـي وذكرت عبدالمجيد القـرم وصحيبـي وقامت بيوت القوافي تسبـق لحونـي أنا أشهد انك من أرجـال المواجيبـي وتهمنـي والأوادم مــا يهمـونـي ملكتني بالوفـا يـا راعـي الطيبـي والطيب له عندكـم ميـزان وفنونـي الباب مفتـوح مـع حلـو التراحيبـي والكيف من دلتن فيها أشقـر اللونـي من حب خولان مورد ساع ما جيبـي ومقنـده زنجبيـل وهيـل مطحونـي هذا كلامن وكـاد وصـح ومصيبـي شفته ولاني مصـدق مـن ينمونـي شاعر خالد متعب القلعاء