في محل أهل المكارم والشجاعه والحميه = مرحبا في مرحبا والنور جلاي الظلامي
يالثبيتي قالوا الليله نبا نلعب سويه = عقبها نكشف ورى الشاشات منهو بالكلامي

في محل القوم عند اللى مايرضون الخطيه = البقا .. والفرق واضح فالحلال وفالحرامي
ودنا نلعب سويه بعد ماجيت بيديه = الله يعين المطيري كان ماشدّ الحزامي

انت ضيفًُ عندنا ونقابلللك بالمقدريه = وان تعديت الحدود تجيك في صلب العظامي
ول يامجنون ليلى يوم حب العامريه = بعد ودعت الحياه اللي مشى دربك يظامي

ضيفكم عالي مقامه مانزل لاهل الرديه = انتبه للكلمه اللى ضربها مثل السهامي
ذاك حبه يامطيري من عصور الجاهليه = لو تحب اللى يحبه تتركه من بعد عامي

مانقول قصور فيك ولكن النيه مطيه = ماجرحنا الضيف لو انه لفانا اليوم حامي
ذاك بعدنه رحل ماظنتي تلقى حليه = انتبه واعرف شروق الشمس دام الدرب شامي

ماكشفت الصدر بس اظن الك ستين نيه = ناوى بقتل الجمل واحيان ودك بالصيامي
الله انه يرحم اللى مات ويعز البقيه = جايكم واحد مايسكت للمنافق والحرامي

نجزي الحسنه بحسنه وانت تجزاها بسيه=اعرف ان المجد له في هالزمن ذروة سنامي
من لفانا بالموده طاب شرب الشاذليه=ومن لفانا بالقشاره جاله اليوم الختامي

كلمتك ترجع علاك ولاتحسبها عليه = مجدكم مثل السراب اللى يشوفه كل ضامي
القشر ماهو بليه والغدر ماهو بـ ..ليه = لكن اللى بيتحداني يبشر بالحسامي

الليل وينك يالمطاري .. عندي علوم اشكال والوان = تعال واسمع وش علومي .. الليل وينك يالمطاري
وان كان تال الليل ساري .. اخذ الحذر ياصاح من شان = من فوقك طيور ٍ تحومي .. نصيحتي لن كنت ساري

عندك وانا طال انتظاري.. عطني علومك قبل الاذان =اليوم ياابن ثبيت يومي..عندك وانا طال انتظاري
ساري وانا سبع الغداري ..ماهمني علان وفلان=لو كان ماحولي نجومي .. ساري وانا سبع الغداري

في ليل ولا في نهاري .. شاشاتكم تبعث للاخوان = واظن مرسلها محرومي .. في ليل ولا في نهاري
وعلومه علوم الصغاري .. يبني بيوته دون عمدان = مايدري الحمل المحزومي ..وعلومه علوم الصغاري

قضيت ليلك بالهذاري..الظاهر انك جيت سهران=سهران عايش بالحلومي..قضيت ليلك بالهذاري
مادامها كاتب وقاري...لاشك بين الناس عميان=حنا لها وقت اللزومي...مادامها كاتب وقاري

شبيت بين الناس ناري .. واللى فرح بالنار ورعان = فعلتك ماهي من سلومي .. شبيت بين الناس ناري
بالعلم هذا شوف غاري .. ماتنفع علومك ياذيبان = ياجعل من رزك يدومي .. بالعلم هذا شوف غاري

اشويك في نارك جباري..ياطير اشوفك دون جنحان=تراك ماانت اكبر همومي.. اشويك في نارك جباري
تضيع في عز النهاري...والدرب من شمس الضحى بان =ان طحت طيحه ماتقومي ..تضيع في عز النهاري

الكل يابن مطير داري .. هذا كلامك دون برهان = احد ٍ شرا واحد ٍ يسومي ... الكل يابن مطير داري
ماندخل بجوف الكباري .. والدرب واضح لك بالاعيان = لاتعكس دروب القرومي .. من شان تدخل بالكباري

ياليت حظك جاب غاري..ماضنتي بتعود كسبان=وش فيك ضيعت السلومي.. ياليت حظك جاب غاري
تحتاج دكتور استشاري..انا اشهد انه صابك جنان=الله على خلقه رحومي.. تحتاج دكتور استشاري