منتدى بني عزيز الرسمي من مطير - عرض مشاركة واحدة

06-29-2009, 12:14 PM

قـالــت هــلا واثـر لهـلا طعــم ثـانـــي
لاجـــاك مـن مبسـم بـه الفـن والـــذوق
قلــت احتـــرامـــي يا اميــر الغــوانــي
لك مهجتــي ياحاكمــي سقتـهـا ســـوق
قـلت الرجـاء وصلـك وكـل الامـانـــي
بــدد ظــلام الحـــب بوصـال وشـروق
قالــت لقانــا العصــر نفــس المكانــي
فيه انتلاقى وعــد والــوعــد مـوثـــوق
وقمـت احتـري واعـد حتـى الثوانـــي
والثانيــــة تـمشــي بطيئــة وبــرفــوق
واوفـى الـوعـد غـايـة مرادي وجانـي
والقلـب زادت دقتــة واشتعـل شــــوق
قلـت اكشفـي عـن وجه صافي الثماني
قـصـــدي اشـوف ابداع خالق بمخلوق
غـالب بزينــــك زيـن انـسٍ وجــانــي
زينـاً طبيعــي ماوضـع فيـه مسحـــوق
قضيت معــه احـلـى واجمـل زمـانـي
واثر الفرح عمرة من الوقت مسـروق
قـــالت وداع الــــوقـت ازف وحـاني
قـلت الــوداع ولــو هـو القلب محروق
اثـر لهــلا مـن صاحبـي شكل ثـانــي
مــن مبسمـه كلمـــــة هـــلا كلهــا ذوق