ياأهل العلوم آلي تودون الأخبار=باأسرع وسيلة بين قيل وقالي دايم على الفتنه شياهين واحرار=لكن عن الطاله يجيكم جفالي تسعون بين الناس والجار والجار=بالكذب والنمه وشين العمالي وش عاد لو تصلون إلى حد الأقمار=كلن مع أشباهه من أول وتالي لكن هل الطاله طويلين الأشبار=ماانته مخاويهم ياخبل الرجالي أهل المعزه وأهل الراي والشار=وأهل الكرم والجود في كل حالي اللي مجالسهم بها الكيف يندار=كيف النشاما هيل صفر الدلالي وأهل الوجيه البيض في كل الاقطار=وأهل المروه من قديم الليالي مكرمين الضيف من حيل وبكار=ومزبنين اللي مع الوقت جالي قومن على الطاله متعبت الامهار=ماهم سوات اللي مع الوقت سالي وهذا فقط موجز ولافيه معذار=موجز رجالن عرفهم راس مالي والحر يفهم مقصدي دون تكرار=والا الردي مالي بفهمه مجالي وياقوم هذا كل مضمون ماصار=علم الصحيح ولايبيله جدالي وقبل لاختم القاف ياالله ياغفار=تغفر ذنوبي ياعزيز الجلالي وختامها صلو عدد طاير طار=على النبي اللي أزاح الظلالي وســـــــــــــــــلامتكـــــمـ