منتدى بني عزيز الرسمي من مطير - عرض مشاركة واحدة - قصيدة لشاعر صالح الوتيش (ابو عاتق) لينتي والجيب خويى ولابغى العايدي

04-03-2010, 03:26 AM

لينتي والجيب خويى ولابغى العايدي
..يوم عرق سبيع قام يتبين ويحداه
نوب يصمل في اتجاه ونوب يحتدي
..ما شياٌُ ممشئى زمانه ولا يمشي هواه
بين قهب الطير ورى العروق الوردي
..قام يقنب مثل ذئباًًً عدى وخطى عشاه
اشتكي من نقل قيره ويشكي من يدي
..اجهده واليا جهده يجيب اللى وراه
والله اته مايقصر ولا عزمه ردي
..مير فوقه حمل جاير وتغريز فحاه
نوب مطوره يهون وانا عطيه اجهدي
..وان عطيته ترس ثالث تسمع في وحاه
صوت ماطوره لياون كنه يرعدي
..مثل رعاد تراكم مزونه في سماه
باذل المجهودوالليل غدرى واسودي
..واختفت كل الدلايل وكلا في عناه
نطلب الدنيا ونطرد وراها ونعدي
..مير ماللعبد حيله ليما الله عطاه
لوما عودة نفسي لحلو المرقدي
..الوساده حيد كفي على جنب الحصاه
يالله اني طالبك يا الاهي وسندي
..يالله اغفر ذنوبي ليا جاة الوفاه
يوم تضعف حجتي والجوارح تشهدي
..يا الاله الكون يالله من النار النجاه
يامبيد الخلق ومعيدهم قي الموعدي
..يا الاله الكون يارب ما غيرك الاه
يا الاهي يوم كل البصاير تنفدي
..من طلب رحمتك لا تقطع رجاه