لسلام عليكم ورحمة الله وبركاته : الظلم ظلمات يوم القيامه ياويلكم ياظالمين القوارير في كل يوم ن تكسبون الملامه .. في كل يوم ن تنكتب فالتقارير زوجاتكم ماهن فصيل النعامه .. الله مكرمهن بعقل ن وتصوير الله خلقهن مثلكم في نظامه .. الفرق في بعض المهن والتدابير لاتحسبون المرجله والقوامه .. تعني مذلتهن بقوه وتسخير ضلع المره ماهو عوج يااسامه .. وعقل المره ماهو صحيح انه اصغير عطها الحقوق ولاتصيبك رخامه ..واجرك على الله لاتحسب المخاسير وترى العمل والا الوظيفه كرامه .. حق ن لها لاجا من الرجل تقصير ف اختك وبنتك لاتزيد الصرامه .. ماكل شي ن ودك يصير بيصير وين المحبه والوفاء والشهامه .. ياللي ظلمتوهن بعضلن و تحجير لا تتركوهن يشعرن ابندامه .. لاتجبروهن يندبن المقادير طيعوا محمد واسمعوا في كلامه .. نبينا اللي شهر الحق تشهير اذا تقدم رجل فيه استقامه .. دينه وخلقه زوجوه الغنادير حطوا على روس البنيات هامه .. بالعطف ماهو بالذهب والدنانير بكره يجن من امهات الزعامه .. وعيالهن ارجال عز ومناعير احرص على عمرك وزين ختامه .. الذمه الذمه قبل منزل البير