فز الخفوق وحرّك القلب طاريـك=والكل من حولي شعـر بأختلافـي قالوا علامك مرتبك قول وش فيك=رديت أنا همـي بهالقلـب خافـي قالوا عيونك ادمعت وانظر أيديـك=قامت تراجف قلت تكفون كافـي من دون ماأشعر قمت أردد وأناديك=وأعلنت أنا من بينهـم بأعترافـي أني جريحٍ مـن جفـاك وتغليـك=الله حسيبـك لاتزيـد التجـافـي بعد ثلاث سنين تطلب وأنا أعطيك=يشهـد علـي الله بالحـب وافـي سلّمت لك كل المشاعر موافيـك=ومشيتني دربٍ به الشـوك حافـي دايم على هالحال لاحـل طاريـك=من كان جنبـي ينتبـه لأختلافـي