تصدق أني قبل أعرفك كنت جاهل= تصدق أني كنت جاهل بالغرام والله أني كنت أحسب الحب ساهل=لين عيني قالت لقلبي حرام والله أني بالغلا كنت أتساهل=ماأفرق بين حبٍ واحترام لين جفني عود لطيفك مداهل=صرت أشوفك كل ماجفني ينام صار قلبي موطنك والحب عاهل=وأنت كل الحب ياسيد الأنام ليت قلبي يوم شافك لك تجاهل=ولاغصب نفسي على درب الهيام بس من شافك يصير العقل ذاهل=لونسى نفسه بعذره مايلام أقشرٍ وأن طاح وسط الحب جاهل=راح فيها وعلى الدنيا السلام