اقتباس: المشاركة الأصلية كتبت بواسطة فجر هلأ والله استاذ / خالد كالعاده متألق ومميز في انتقاء مواضيعك الرائده والاتي تلامس المجتمع والأوضاع الراهنه أمـــا من ناحية تذمر الرجال من مصاريف المراه وشهي مصاريفها المسيكينه عشان لبس عيد مسكت معه الحين الضائقات الماليه وإلا لو انها في خوياه وأصدقائه يدفع لهم وهو يضحك انتم يالرجال مسوين المغلوبين على أمركم وان الحرمه إلي تصرف وأن مأعندكم ماده وتصبر الحرمه الضعيفه وتعذر ولاتكلف عليه لكن لو بغى يتزوج تطلع الفلوس وين الفقير اللي أمس ؟؟؟؟ يعني بالعربي يالرجال ليا بغيتم الشي والله مايردكم شيء بلا فقير بلا غني وأنا أشد على يد كل حرمه الله الله فيه هالعيد فقرّيه انخليه نخل لاترحمينه ولاتاخذتس فيه رأفه هذولي الرجال مالهم أمان »»» بنجلد الله يستر نصيرة المراه والمنافحه عن حقوقها فـــــــجر ههههههههههههههه لا حول ولا قولة إلا بالله وبعدين معك يا فجر انا أول شي اني محايد في هذا الجانب ومع الحق وموازنة الامور ولكني بغير نظرتي من هذا الرد الصاخب ودامك تقارعين بحججك وبراهينك عن العنصر النسائي من باب أولى ان أقف ممثلا الرجال في هذا الموقف تقولين وشهي مصاريف النساء إلا وش الي ما يصرفنه النساء يا اخي ثلثين رواتب الرجال ودخلهم في لبس وخلاقين للنساء الرجال برمضان يفصل ثوب ب200 ريال ويلبسه بعيد رمضان وربما بعيد الحج وعادي وإلا انتن اذا بتفصلن للعيد المصممة لحالها تاخذ 200 والخياطة حقها فوق 2000 من غير القماش يعني فوق 3000 هذا ثلث راتب في ثثوب لباس واحد للمره لا وزود على هذا فقط تستخدمنه في مناسبة واحده وعيد واحد لا بعد كل يوم من ايام العيد الثلاث بلبس خاص وجديد هذا بس للعيد كيف المناسبات يعني لو نتكلم عن المناسبات او الحفلات(الزواجات مثلا) يحسبن 10 زواجات يعني 10 ملابس لازم مابين جاهزات وخياطه , لا واذا تجمعتن في المناسبة ياليتكن تقولن خير وتسكتين حتى الشكر ما نبيه منكن على طول والظاهر قبل السلام والقهوة كلن تكذب على الثانية والي تقول ثوبي ب4000 والي تقول 5000 ومزاد واذا خلصتن بداء التحريض على الرجال انتبهي له لا تخلينه يجمع دراهم ويتزوج ولا تساهلين معه اكسري راسه وفقريه ومن هالكلام وان المسيكين ماقصر معك ومتسوقة من رويتباته وماكلته وموديك الزواج واخرتها تقبعين في وجهه من ما احتشيتي به قبل يوصلك البيت ههههههههههه وزود على هذا مابقي من شغلكن في ملابسكن وخرابيطكن الخاصة بكن انتن لحالكن تلحقنه على عيالكن وخرابيط البيت تحصل الرجال يهتم فقط في المأكل أو المشرب والأسلوب الحسن وانتن تأخذن الفلوس وتحطنها في خرابيط حلا ومزهريات ولا وتشرن لنا مزهرية بالف ولا 500 وتحطنها في المدخل نعنبوا داركن وش الفايده منها مزهرية وش ذا المزاج يا اخي خلينا نكمل البيت بالشي المهم بمعنى ان الحريم ماعندهن كماليات ابد بل كل شي عندهن اساس لا وتقولن بيتزوج علينا ومن هالسوالف يامعوذه هو حصل شي ياكلة انتن ما خليتن ولا بقيتن حتى ماء وجهه غسلتنه ياليتها واقفة على مصاريف البيت ولا موازنة الامور ما تنشبن غير في الشي الغالي ولا تنظرن للجانب المادي والأقتصاد والمشكله انكن تدرسن مادة الاقتصاد لكن انا اطالب بإعادة النظر في مادة الاقتصاد هاذي الظاهر انها مادة اسراف وتبذير وشفط اموال وتحريض على الزوج هههههههههههههههه