ياوجـود اللـي عيونـه شقاويّـه مرّهـا حلـو المنـام وتعـداهـا كن بيـن جفونهـا جمـرةٍ حيّـه مايطفيهـا سهـرهـا ولا مـاهـا بيّتـه ليـل الشتـا فابـو حدريّـه واحتداه و حد نفسه على أقصاهـا مشكلة بعض الصـدور الجنوبيّـه لو تجيها دمعـة الطيـر تملاهـا العوامـل والظـروف الطبيعـيّـه غيّرت مجـرا زمنهـا ومجراهـا ياوجود اللي عشـق لـه سنافيـة في صلات الرحم ماهـوب وياهـا من تحبّه لـو تحبّـه علـى النيّـه برّكت بأقصى ضلوعـه مطاياهـا ذوقتنـي هجرهـا ثانـي ضحيّـه و اصطلت روحي على حر فرقاها طيّرت من غصن الاشواق قمريّـه ورهنتنـي فـي هواهـا ولاماهـا حايلٍ من دونهـا حـول وشويّـه ميـر مالله حايـلٍ دون ذكـراهـا كل حاجـه باقيـه مثـل ماهيّـه ماسرا معها علـى درب مسراهـا كود عضوٍ (في جهتـيّ الشماليّـه) فاع من عـوج الحنايـا وخاواهـا ودمعـةٍ نطّحتهـا راحـة ايديّـه ( اف ) ياماحرّها و ( اح ) مقساها حوّلتهـا يـوم قالـت وداعـيّـه و استباحت سترها فـوق ماطاهـا حيلتـي لاهبـت النـود عصريّـه قمت مع كـل الجهـات آتحراهـا وأمست الفرحـه يتيمـه ومنسيّـه في عيون حرقة الوجـد تصلاهـا عن خدينات الترف نفسـي امعيّـه لو تجيني مثلهـا كنهـا اياهـا !! من غدت منه ( الذلول العمانيّـه ) ماتعوضه ( ناقـة الله وسقياهـا ) دكّت ضيوف المعازيـب رجليّـه مابقى الاّ ضيفـةٍ فـوق مركاهـا سيرةٍ من وحي عاميـن هجريّـه ودّي أنساهـا ولا ودّي أنسـاهـا المعالـم والـرسـوم الطلالـيّـه مايحفـظ أمجادهـا الا بقايـاهـا ذكريـاتٍ تعبـر العمـر طرقيّـه وذكرياتٍ فـي وطنهـا ومرباهـا وصورةٍ في متحف البال مطويّـه كـل يـوم آفلّـهـا وآتهجـاهـا من لهـا قـدر أوّلويّـه وأهميّـه ماشعرت بغربـة الـروح لولاهـا والـذي نفسـي بيـده إنّهـا ليّـه أقرب مـن كفوفهـا عنـد حناهـا لـو جفتنـي والعيـون الشقاويّـه مرّهـا حلـو المنـام وتعـداهـا