الا يا الهبوب اللي من البارح تهبين على صدر من شال الغلا داخل اعماقه جذبتي معك من رحية الزين ريحٍ زين غلاه وعطوراته وحنّاه واشواقه امانه معك هبي علي والعرب ممسين انا العاشق اللي غلّف العش خفاقه وانا الهايم اللي يستحي من دموع العين لو انه حزين تشوفه بقمة اخلاقه ما جيتك عبث من شان ابي اكسر الروتين لا والله ابي تفسير حلمي وحقاقه لو اني سوات الناس و العب على الحبلين ما جيت اكشف اوراقي من الباب للطاقه ولو اني معك عايش على الظن والتخمين ما قدمت من ورد المشاعر ولا باقه كسرت الشموخ اللي اماريبه من سنين وهزيت غصن الشوق وانهارت اوراقه