جا يشوف الحال كيفه بعد ماهزه حنينه=قبل يسالني سالته كيف حالك يالحبيب قال انا كني غريب ضيع دروب المدينه=قلت انا كني مدينه تنتظر رجعة غريب قال اجل وش فيك تلعن سيرة الحب وسنينه=قلت أجل وشلون ما العن سيرته دامك تغيب انت لامن غبت حتى مرايتك صارت حزينه=كيف ما تبغاني أحزن وانت لي مثل النصيب الهدايا والرسايل والمكاتيب الثمينه=الليالي والقمر والريح والكون الرحيب كل ماتبعد تجيب الشعر ليه من يدينه=وتقعد جروحي تودي فالمتاهات وتجيب يابعد كل القصيد ونزوة حداه وأنينه=لاذكرتك لاح بيت وطاح ورد وفاح طيب وان نسيتك مانساني صوتك المبحوح لينه=ياخذ لجرحي بثاره من خطاياك ويطيب وبعد هذا جاي ترمي ذنبك بوجه المدينه=مادريت ان المدينه كلها شمعة غريب