ياهاجسي لاتحرق النار بالـــــــــــــــــــنار =والعودالازرق لحترق فاح طيبــــــــــــــــــــه ماهو كذا بدعي جزيلات الاشعــــــــــــــــار =لكن بي من جايرالوقت ريبـــــــــــــــــــــــــه فى النفس ضيقه واوجبت فــــــــك الازرار =وهاضة علي المعجمات الغريبـــــــــــــــــــــه اسهروانام وبين الاضلاع الاســـــــــــــــرار =واصبر ولكن بان في الغليبـــــــــــــــــــــــــه يارب انا عبد(ن) تراودني افكــــــــــــــــــار =لحظات تفرحني ولحظه مهيبـــــــــــــــــــــــــه اخاف من يوم (ن) موقف ومحتـــــــــــــــــار =في ساعة(ن) قل الرجا والغصيبــــــــــــــــــــه شاعر ولي فى الشعر حزه وتذكــــــــــــــــــار =انا مريض الشعر وانا طبيبـــــــــــــــــــــــــــــه اكتب بساليبي على كيف مختـــــــــــــــــــــــار =مره يجاوبني ومرات اجيبـــــــــــــــــــــــــــــــه واللي بنفسي حسة(ن) موسها حــــــــــــــــار =طار الغرام وقلت انا ويش ابيبــــــــــــــــــــــــه يؤلمني اللي ماأخذ درس وعبـــــــــــــــــــــار =عايش حياته قصته مع حبيبــــــــــــــــــــــــــــه مايدري ان الموت مقبـــــل للاعمــــــــــــــــار =قدمه كتــابه وثقــه له رقيبــــــــــــــــــــــــــــــه غافل عن التوبه وتشخيص الابصـــــــــــــــار =والر ب يسمع من دعاه ويجيبـــــــــــــــــــــــــه يفرح لعبده يوم فيه الأمل ثــــــــــــــــــــــــــار =اكثر من اللي تاه وحصل ذهيبــــــــــــــــــــــــــه وهذا الفضاء دايم به الفلـــــــــــــــــــــك دوار =وفيه الكواكب للقوي مستجيبـــــــــــــــــــــــــــــه ويالله يامنزل من الــغيث مـــــــــــــــــــــدرار =تفرج لنا يوم الفزع والمصيبــــــــــــــــــــــــــــــه