اقتباس: المشاركة الأصلية كتبت بواسطة فجر حياك الله اخوي مرة اخرى.. لكن اخوي انت لو تلاحظ في نقاشنا اننا رفضنا شعر العواطف والغزليات بالشعر النسائي ونؤيد الشعر النسائي الذي يحمل معاني اسمى وارفع وتحتضنها الكثير من اغراض الشعر طيب لاجاتك تمدح ابوها والا احد اعمامها والا خوالها والا احد جدانها والا باخوانها والا تمدح احد عيالها..وين غلطها؟ لا سوت مرثيه في ابوها والا احد محارمها ..وين غلطها؟ والا مدحت خادم الحرمين الشريفين وولاة الامر..وين غلطها؟ والا تكلمت في احد المشاكل الاجتماعيه ..وين غلطها؟ لاوصفت المطر ومزون الحيا ..وين غلطها؟ والا تكلمت بالجانب الديني..وين غلطها؟ وش نحجّها به؟ مااعتقد اخوي بوعدنان بتكون ضد هذه الانواع من القصيد النسائي,, نحن نعيد ونكرر ضد الغزليات ..ان كان فيه قصيدة عشق لشاعره عزيزيه ويطري عليها تنشرها انااقول تخليها في بطنها ابرك لها.. اما استاذي العزيزي المغترب رفع الينا بردوده نماذج من شاعرات كتبت اسماؤهن على صفحات التاريخ ولم يكن هناك استهجان لها او لقبيلتها .. ولم يتطرق الى شعر النساء في بني عزيز لا من بعيد ولا قريب فحديثه واضح .. واكرر نتعلم منك يابوعدنان..ونرحب بك دوما فجر اعتراف مني لك غلبتيني في النقاش واقنعتيني يا فجر اذا كان الشعر في امر لا يغضب الله عز وجل فاهلا وسهلا به وجميع الشعراء والنقاد اللي هم اكفاء مني رايحين يثنون ويشجعون صاحبت القصيده او صاحب القصيده وانا اتفق بتواجدهن في طرح قصايدهن وعن العزيزي المغترب يعلم الله وانا اقولها امام الجميع ان مناقشته تشرفني واني اتعمد النقاش معاه لعدة اهداف و اذكر لك شيء منها العزيزي المغترب انسان ناجح بكل المقاييس ولا تفكرون نقاشي معاه تقليل من شانه فيه نقطه اتمنى الجميع يفهمها اذا ناقشت انسان عاقل في موضوع وشافك ما اقتنعت ترفع عنه ولا يدخل في مهاترات مالها داعي وهذا حال العزيزي المغترب وبسراحه انسان يحسن التصرف ويعرف ما عليه عمله فشكرا له وشكرا لك
ودنا بالطيب بس الدهر جحاد طيب كل ما تخلص مع الناس كنك تغشها ابو عدنان ======================