حاولت أبنسى كل شي وذكرتك

ياطول عمرك توني كنت اطريك
سرحت لحضه في سنيني وذكرتك
تدري ويش الي مربي باب ماضيك
رحت الجنوب وشاقني وافتكرتك
البارحه غطت اعيوني بطاريك
اسابق احلامي عليك ونطرتك
لحضت تحطم حلم الايام بيديك
وطلعت من طوري عليك وصطرتك
حبيت غيري جعل ربي يهنيك
عطيتني عذر الظروف وعذرتك
لاكن عجزت اروح عنك وخليك
قبل ابتعد حنيتلك وافتكرتك
جيتك ولا عندي عذر يوم ابجيك
كذبت قلت ابشكرك ماشكرتك
وفزيت من لذت منامي اناديك
ياذخري اللي لليالي ذخرتك
اثريه حلم وهزني جعل يفديك
حتي وانا في مرقدي ماحقرتك
فسرت حلمي قالو العكس ياتيك
يعني لوني بزعلك ماصطرتك
البارحه بين النعاس وطواريك
شبيتلك جمر الغلا وانتظرتك
ومن يوم ماغطت اعيوني بطاريك
اسابق احلامي عليك ونطرتك
ياطول عمرك توني كنت اطريك
حاولت ابنسي كل شي وذكرتك