صوت ابن جدعان وصدى ناصر الفراعنة

اخواني اعضاء هذه اول مشاركة وانشاءالله

يـــا الله يــــا ربــنــا يـامـدبــر الــكــون
يـــا مـدبــر الـكــون نطـلـبـك الاعـانــه
باعانـة[ن] منـك نـبـداء كــل مضـمـون
مضمـون مـا اقـول يحمـل لـه حصـانـه
حصـانـة الدبلمـاسـي مــا تـجـي دون
دون النـجـوم الـعـوالـي فـــي زمـانــه
زمـانــه الـــي يـحـطـم كـــل دنــــدون
دنــدون الــه فــي زمــان اول مـكـانـه
مكـانـة[ن] دونـهـا نـــاس[ن] يـثـانـون
يـثـنـون بـالـفـعـل مــــن زود الــرزانــه
رزانــةالــمـــخ بــالآفــكـــار يــبـــنـــون
يـبـنـون بــنــي الـفـطـانـه والـذهـانــه
ذهانة[ن] ورعها يمشي على الشون
الــشــون خــلــوه ربـــــع الـخـيـزرانــه
الـخـيـزرانـه لــهـــا نــاس[ن]يـــلا وون
يلـوونـهـا لـجــل مـــا تــزعــل فــلانــه
فـلانـه الـلـي لـهـا ملـيـون ابــو لـــون
لونـه خـضـر قـلـب ورع[ن] فالحضـانـه
حضـانـة[ن] سـدهـا مـاهــو بـمـأمـون
مـأمـون لــو كــان فــي دانـــه ودانـــه
ودانــه ودانــه تنـاسـب قــوم فـرعـون
فرعـون مــا لــه ورى الاســلام خـانـه
خـانـة حقـيـقـه تـحـقـق مـــا تـمـنـون
يـالـلــي تمـنـونـهـا ضــحــك ومـيـانــه
مـيـانـة الـجـاهـل الـمـذنــب تـقـفــون
تقـفـون مـــع دربـهــا والـكــم بـطـانـه
بطـانـة[ن] فالصحـافـه تكـحـل اعـيـون
اعـيــون لـلـحـق قـاطـعـة[ن] لـسـانـه
لسـانـه الـلــي يـبـيـن كـــل مـكـنـون
مـكـنـون بـيــن الفـضـيـحـه والأمــانــه
وأمـانـتــي قـلـتـهـا يـالـلــي تــوحــون
تـوحـون مــا اقــول مــا يبـغـى ابـانــه
وابــانــتــه زود مــكــدهــا وتــلــقـــون
تلقـون مــا قــول فــي داخــل خـزانـه
خزانة[ن]ربـحـهـا مـضـمـون مـضـمـون
مضمـون صـرف الذهـب واعـرف اوانـه
اوانـــه ان راح نـاصــر يـلـعـب الـحــون
الــحــون فـيـهــا يــولـــع شـمـعـدانــه


ورد على ناصر الفراعنه:

ياحالـتـي يـــا فـهــد يـــا حـالـةالـدون
يـــا حـالــة الـــدون عـوّدتــي ديــانــه
ديـانــة الـسـامـري فـــاولاد صـهـيــون
صـهـيـون مــاقــدّروا ربــــع اسـتـكـانـه
الاستكـانـه حشـوهـا غـصــن زيـتــون
زيــتــون رمــــز الـكـرامــه والإهــانـــه
إهـانــة جـمّــرت فـــي راس غـلـيــون
غلـيـون خـمّـارة فـــي وســـط حـانــه
حـانـة سفـرجـيّـة الـسـفـاح شـــارون
شـــارون نـطّّــل مـحـازمـهـا لـعـانــة
لـعـانــة ورثّــــت تـسـعـيــن مـلــعــون
ملعـون الاصـل احسبـه مبطـي تكانـه
تـكـانـة صـــورت فـــي فـلــم كـرتــون
كـرتـون عـانـه يـاابـن جـدعــان عـانــه
عانه مع (المدمزيـل) الستّ(سيمـون
سيمون هـي ليـت مـا هـي قهرمانـه
القهرمانـه قهـرهـا المصطـفـى جــون
المصـطـفـى جـــون قـلّـدهـا جـمـانـه
جمانـة مــن جـمـان (استـيـف بــارون
بــارون مــن فـمـه فــي فمـهـا لبـانـه
لبـانـة المستـكـا صـنـع الصـنـم(عـون)
صنـع الصنـم (عون)مصـدر كـل عفانـه
عـفـانــة بـيّـنــه وش عـــــاد يـبــغــون
يـبــغــون بـالـمـطـرقـه والـسـنـديـانـه
السـنـديـانـه نـهـايــة كــــل مـجـنــون
مجـنـون مــن سـبّــة جـنـانـه جـنـانـه
جنـانـه اربــع كـسـر سـمــر وجـالــون
جـالــون جـلــة لـهــب زانــــه وزانــــه
زانــه وزانـــه وعـــود اثـلــة وعـرجــون
عــرجــون بـرحـيّــة عــشــره ثـمـانــه
ثـمـانـه الـوضــح والـمـدفـون مـدفــون
مـدفــون دفـــن الـعـرافــه والـكـهـانـه
كـهـانـة صـيّـحـت مـوســى بــهــارون
هـــارون فـصّــل لـسـانــه طيـلـسـانـه
الطيلسـانـه لمـثـل احـمـد وذا الـنـون
ذا النـون مــا غـالـت عجـافـه سمـانـه
سمانـه سمـان مــا تـشـرى بعـربـون
عـربـون مــن يكـسـر سنـانـه سنـانـه
سنـان وسنـان بـن جدعـان مسـنـون
مسـنـون مــن يلـحـق سنـانـه عنانه

منقول

ودمتم سالمين