اقوال آل سعود عن قبيلة مطير

05-05-2009, 10:04 PM

السلام عليكم ورحمة الله وبركاته
بسم الله الرحمن الرحيم
اليوم جايبلكم اقوال اهل الكرم و الطيب آل سعود عن قبيلة مطير

--------------------------------------------------------------------------------
في مجالس كبار هذه الأسره العريقه تدور قصص واحداث لكبار الامراء مع ضيوفهم واخوياهم والشعراء

وهي سوالف وسمر بين الامير وضيوفه وانا انقل لكم بعض ماسمعته وقرأته عن ماذا قالوا كبار هذه

الاسره الطيبه عن قبيلة مطير :

-------------------------------------------------------------------------------------------------

قال الملك عبدالعزيز آل سعود رحمه الله بعد احدى المعارك ورغم هزيمة جيشه الا ان الشيخ فيصل

الدويش زعيم حركة الاخوان بنجد هجم على جيش العدو وهزمه

فقال ابو تركي : ( لا يهزم بيرق ومعه مطيري ) .

-------------------------------------------------------------------------------------------------

في مجلس الملك عبدالعزيز رحمه الله ذُكر عنده اسم الشيخ فيصل الدويش ودوره بتوحيد البلاد

فقال ابو تركي : ( فيصل الدويش سيف طوعت فيه الرياجيل ) .

--------------------------------------------------------------------------------------------------

وأيضاً ذكر عند الملك عبدالعزيز رحمه الله اسم فيصل الدويش

فقال : ( فيصل الدويش اذا كان معك خلاك تاطا ظهر عدوك ، واذا صار مع عدوك خلى عدوك ياطا على ظهرك ) .

--------------------------------------------------------------------------------------------------

قال الملك عبدالعزيز رحمه الله :

قبيلة ....... / كلامهم اكثر من فعلهم .

قبيلة مطير / فعلهم أكثر من كلامهم .

قبيلة ........ / ان اذيتهم أذوك ، وان مأذيتهم مايذونك .

---------------------------------------------------------------------------------------------------

كان الملك عبدالعزيز رحمه الله في مجلسه ومن ظمن الجالسين في مجلسه الشيخ بداح الفغم

فقال ابو تركي : من اطيب القبايل ؟

وقاموا الجالسين كلن يقول قبيلته ولا اللي قريب منه والفغم ساكت لاحظه الملك ووجه له السؤال مباشر

وقال : وشتقول يالفغم ، من اطيب القبايل ؟

فأجاب الفغم بدبلوماسيه وقال : كلن فيه حقه ياطويل العمر وكلن ماخذن على حقه من الطيب

فقاطعه الملك عبدالعزيز وقال : ( لا والله الطيبين ربعك يالفغم مطير اللي لارضوا سروا ولازعلوا ضروا ) .

-------------------------------------------------------------------------------------------------

في مجلس صاحب السمو الملكي الامير سلطان بن عبدالعزيز ولي العهد كان عنده اخوياه وهم من قبيله مجاورة

سألوا الأمير : ياطويل العمر من اطيب قبيله ؟

فسألهم الأمير سلطان ثلاثة اسئله :

1ـ من أهل المعجزات الثلاث ؟ فقالوا : مطير .

2ـ من اللي حارب ثلاث دول ( ابن رشيد ، ابن صباح ، شريف العراق ) ؟ فقالوا : مطير .

3ـ من القبيله اللي فعلها اكثر من كلامها ؟ فقالوا : مطير .

--------------------------------------------------------------------------------------------------

خرج الشاعر الكبير محمد بن خلف الخس مع الأمير سلمان بن عبدالعزيز في رحلة قنص في الأردن ومروا على مكان

فقال الأمير سلمان : تهقون احد من نجد وصل للديار هاذي وغزا عليها ؟

فقال محمد الخس : مطير غزت بها المكان .

فقال الأمير : اسكت ابلشتنا كل ماقلنا شيء قلت مطير .

المهم وهم يمشون بالسيارة لقوا رجال شايب ووقفوا ينشدونه عن المكان ، فقال الخس فرصه انشده عن الغزوات

فقال له وكان الشايب من عنزة : قد احد غزا هالمكان من قبائل نجد ؟

فقال الشايب : اخبر واحد يقال له صاهود بن لامي صبحنا على هالجبل

فقام محمد الخس وأعطى بشته للشايب .

---------------------------------------------------------------------------------------------------

كان الأمير سلمان بن عبدالعزيز أمير منطقة الرياض في قصره بالمعذر بالرياض يستقبل المواطنين

ويعشيهم ويكرمهم كعادة هذه الأسرة العريقه فهم أهل الكرم والجود ، فلما انتهى من مجلسه أمر رجال

الحرس الملكي أن يتعشوا فهرع العسكر للعشاء وبقي خمسه منهم لم يذهبوا للعشاء ، وتحرك موكب

الأمير وكان معه السائق وظابط برتبة ملازم أول من مطير ، فرآى الأمير العسكر الخمسه لم يذهبوا للعشاء كبقية زملائهم

فقال الأمير للضابط المطيري : هذولا تعرفهم ؟

فقال المطيري : نعم طال عمرك أعرفهم كلهم هذولا مطران

فقال الأمير سلمان : ( مالقيت مثل عزة نفس المطيري ) .

--------------------------------------------------------------------------------------------------

سأل الأمير مشعل بن عبدالعزيز رئيس هيئة البيعه اخوياه وقال : من أطيب القبائل ؟

فأجابه كل واحد بقوله قبيلتي هي الطيبه

فقال الأمير مشعل : هاه ماقلتولي من أطيب القبائل ؟

فقام أحد اخوياه - وهو غير مطيري - فقال : الصحيح طال عمرك مطير أطيب قبيله .

فقال الأمير مشعل : ( أدري وهذا اللي ......... )

------------------------------------------------------------------------------------------------

في مجلس الأمير سلمان بن عبدالعزيز كان المجلس مكتظ بالضيوف وجاء طاري الدويش وحب مطير

للدويش فسأل الأمير سلمان الشاعر الكبير محمد الخس عن الدوشان

فقال الخس : لو يزعل بيتين من الدوشان اللي هم الفيصل والشقير ، ازعلت مطير كلها

فاستغرب الحضور حب مطير لشيوخهم .

------------------------------------------------------------------------------------------------

في مجلس الامير سلمان بن عبدالعزيز وهو المعروف عن سموه الكريم اقامة العدل في مجلسه والبت

في القضايا وانهائها ، وعرف عنه حفظه الله صرامته وشدته و شخصيته المهيبه التي من هيبتها ينهار الظلمه أمامه فيعترفون بكل شيء

الأكيد وضع بين يديه معامله عجزت عن حلها الدوائر الحكوميه فلم يبقى أمامهم الا ان تحلها الاماره ،

وكان في القضيه طرفين واحد مطيري والثاني من قبيله مجاورة وقضيتهم نزاع على ملكيه ، فلما وقفوا

بين يديه طلب منهم انهاء قضيتهم بود واحترام لكنهم رفضوا فوقف سموه وونهرهما واخرجوا من مجلسه وجلس الامير قليلآ ثم نادى أحد موظفيه

وقال : جيبولي المطيري بسرعه

فقال الموظف : والآخر ياسمو الأمير ؟

فقال : هذاك بيجي بكره يركض ،( لكن المطيري والله ما يجي نفسه كريمه وعزيزه عليه ) ، وانا ماودي الناس تبغضني

------------------------------------------------------------------------------------------------

حفظ الله لهذه البلاد حكامها وجزاهم الله كل خير .

================================================== ====

هذا والله أعلم

إن أصبت فمن الله ، وإن أخطأت فمن نفسي والشيطان

موضوع اعجبني ونقلته

--------------------------------------------------------------------------------

عزيزي تبوك · 05-05-2009, 10:45 PM

يالربع ولا رد ليه

ارجو من الاعظاء الردود
وارجو من ادارة المنتدى تثبيت الموضوع
لانه موضوع فوق الخيال وله مكانه خاصه لدى قبيلة مطير

اوسمتي · 05-06-2009, 01:42 AM

مشكور ياعزيزي تبوك
وقبيلتنا مشهود لها بالطيب غصب عن اللي ماهو راضي ومايلحقنا شكوك بها ..
ولا علينا من اللي يمدح ولايسب لأنه ماراح يزودنا ولاينقصنا ..
ولايهمنا كلام أحد أفعالنا تثبت مكانتنا ..