انا وشلون اعيش اليوم باقي العمر من دونك

أنا وشلون أعيش اليوم باقي العمر من دونك
حبيبي لا تطوّلها ذبحني الشوق بغيابك

عسى ماشر وش الي صار ؟ علمني وانا عونك
ولكن لا تخليني فديت أهلك .. ومن جابك


عيوني ما تنام الليل .. ألا يا حظّها عيونك
تنام الليل ما تدري وش الي صار بأسبابك

يقولون فـ غيابك : تاركك وآكيد بيخونك
وأقول آبوك يالعاذل على آبو من تعزوا بك

أبيك تصير سجّاني وأنا باصير مسجونك
أبيك تحطني نخلة .. وأنا باعيش بترابك

أبيهم يكتبوني في سطور الحب مجنونك
أبي أصبح رواية عشق في صفحات بكتابك

أنا فيني خليط من الغلا والشوق يرثونك
أنا ودي أكون أول ... وآخر حب ينتابك


حبيبي ضحكتي ودمعه لقاك اليوم يدعونك
وتشقيني هموم مفارقك والبعد وأشقا بك

وأنا ما ظنتي أقدر أكمّل يومي بدونك
كفاية لا تطولها ذبحني الشوق بغيابك

قصيده جميله تسلم على نقلها يالحب حاكمني

سلمت اناملك اخي الغالي على هذه القصيده الرائعه

اخوي الحب حاكمني

صح نقلك وصح لسان شاعرها

اختيار موفق وذائقه شعريه عاليه

صح لسان الشاعر ولاهنت على النقل يالغالي