أبغى النصيحه من رجالً عزيزين؟

احببت ان انقل لكم هذي القصيده

للشاعر / عـبـدالرحـمن رجـالله الــرهـيـف...











الفاتن اللي تبت عنها من سنين
جتني تغنج بعد ماخاطري تاب



جتني تراودني وأنا اقول هـ الحين !
الحين جيتي بعد ماعارضي شاب ؟؟



قالت حــلاة العمر فوق الثلاثين
ولو كنت شايب فعلا ً الشيب جـذاب!



وقامت تذكرني بـ(هـالحين مـاشين)..!
و( ادري تبيني بس تاقف لك أسباب)..!



و ( شلون باكر يوم عني تغيبين)..!
وأشياء كثيره في الهواء مالها حساب.!



ومن بعدها ..ثارت بصدري براكين
بركان شوق.وذوق .وأسلوب. وأعجاب~~



أبغى النصيحه من رجالً عزيزين..
أكمل المشوار ولا اقفل الباب؟؟ ...






ولكم تحيات الشاعر / عبدالرحمن رجالله الرهيف.

اخوكم
_صـاحب الفخامــــه_

إن كان تطلب راينا يااحمر العين
.. وتبغى النصيحه من عـزيـزين وأقراب
ماحلى الهوى لاصار بين الوفيين
.. يكرم به العاشق وعذال الهوى تلهم تراب

تسلم ياصاحب الفخامه ع النقل الجميل ووصل سلامي لشاعر هذه الأبيات الراقية .

صح لسان شاعرها
وسلمت اناملك يا صاحب الفخامه

قصيده جزله من رجال جزل


وتقبل تحياتي يا صاحب الفخامه

وبلغ سلامي لأخي عبدالرهمن

صح لسانك ولسان الشاعر
لكن ماهي بموزونه
راح اكتبها بالتفعيله لتاكد فقط !
الفاتن اللي تبت عنها من سنين==جتني تغنج بعد ماخاطري تاب
( تداخل الطويل مع المسحوب
قالت حــلاة العمر فوق الثلاثين = ولو كنت شايب فعلا ً الشيب جـذاب!
( مسحوب مع المنكوس


اخوي هي بدايه جميله وموفقه اذا شاعر مبتدىء
واذا شاعر معروف ترا ماهو عيب الشخص يخطي ولو كان كبير
انا حطيت رئي للافاده وهي قابله للاخذ ولتطنيش
تقبل ردي بصدر شرح ورحب
البحاااااار

صح لسانك


قصيدة حلووه كثير

صح لسان الشاعر

ويعطيك العافيه اخي صاحب الفخامه

اخوي البحار

السلام عليكم

اولاً انا بجد لا اعرف لبحور الشعر ومسمياتها

لكن الي اعتقد ولا اجزم بذلك اني افهمه

متى يكون البيت مكسور ومتى يكون موزوناً

بمجرد قراءة البيت

والاخ عبدالرحمن للامانه من اجمل الشعراء الي استمتع بقصائدهم

على مستوى القبيلة

والله ليس تحيزا ولكنه الواقع

وهذه القصيدة

يحكي فيها الشاعر عن الفاتن الي تاب عنها من سنوات

واعتقادي حسب فهمي للقصيدة انه

يقصد بالفاتن روح الشعر

اتمنى ان اكون قد اصبت المعنى

اخي البحار

شكرا على طرح رائيك واتمنى ان تتقبل رأيي

تحياتي

قصيدهـ في قمة الروعه

مداخله


اخوي البحار اعتقد اني اتفق مع الآخ الرهيف بأن القصيدهـ ليس فيها كسر وأن القصيده سالمه من الكسر.

اذا أنت فعلاً تقصد الكسر فأنا لآ اتفق معك ان القصيدهـ مكسورهـ..


ودي وأحترامي لكـ يالبحار .


مشكور اخوي صاحب الفخامه

ودي وجٌل احترامي لشخص الشاعر الرائع
واتمنى ان يواصل وأن لايقفل الباب ويواصل أبداعه..

لاتناظرني ترى قلبي نساكـ

هلابكـ اخي صاحب الفخامه تسلم على نقل هذه القصيده
وابو عادل شاعر لايجارى لاكن انقل له هذه الأبيات وسلملي عليه

قـافً سمعتـــه قسـم القلب قسميــن
أقســـامهـــا مابيــن واثـق ومرتاب

قسمًـ يقــول افتحلهـــا الدرب بابين
ولا تخلـــي بينكـــ وبينـــه حجــــاب

لا فـات نص أليــل والناس غافيـن
والجو بردا والسما تمطر اسراب

و أشتب نار الــود بيـــن المحبيـن
وقمت اتغـــانم مابدا لك و ماطاب

وقسماً يقول انس الهوى والميادين
لا تنجــرف وتصيــر حايــر ومرتاب

هذي سحايب صيف من حين لاحين
لابــد مــن وقتـــاً تـلاشـى وتنساب

هذا كـــلامي و انت سيد الفهيمين
من شـــاعراً مليان قلبه بالاحباب

بصفتي متذوق للشعر أشوف القصيده موزونه وبالنسبه لموضوع البحور هاذي ياأخي البحار والله مانعرفها ولا علشان أنك البحار تعرف كل البحور ههههههههههه
للمعلوميه شهادتي مجروحه في ابو عادل