من قيل كاشغري

الشاعر المعروف خلف بن مشعان العنزي سطر غضبه على هذا الفعل بقصيدة رائعة ومعبرة تناقلتها مواقع الأنترنت وقد تكون هذه القصيدة تعبر عن شعور أفراد المجتمع .. فإلى أبيات القصيدة :

من قيل كاشغري .. فهمت المضامين
باين من العنوان .. فحوى الرساله

اللي يعرف الحق ويميزه زين ..!!
مايزعله تكفير حمزه لحاله ...!

قوم ٍ لهم دينٍ .. وحنا لنا دين ...!!
ماهي جديده يارجال الشكاله

كشغر تراها قرية غربي الصين
منها طلع حمزة عمامه خواله ..

قبل امس يسجد في بلاده لتنين.....!!
واليوم يعطي للرسول الزمااااااله

وكبرت براسه وين مدري الياوين ......!!
ينكر وجود اللي عزيز ٍ جلاله...!

هذي نتيجة مرحبا .. ياأدمس العين
لين طلعت له عين من كثر ماله

يوم البحر يرمي لنا الزين والشين
وكل ٍ يخم من البحر مارماله ...!!

شرق آسيا جونا وصارو سلاطين ...!
واليوم حنا اللي ندور كفاله ..!

بالواسطة تلغى جميع القوانين ...!
حتى الفلبيني .. يميل عقاله

نداء عاجل لاخو نوره ببيتين
تنخى هل العوجا سنام العداله .....!!

بالمختصر .. كم من مواطن لهالحين ...!!
ماهمه الا اثبات يثبت عياله

وشغري وكاشغري يطوف البلادين
ويشجب ويستنكر ... على مابداله

ياخوان نوره ياكعام المعادين ..!
مابالولا للدار .. علم وجهــاله ...!

اللي فدا رمل الوطن بالبراهين ..!!
يموت وافي مايخون الرساله

الدار نخله عزها الله بسيفين
الشرع .. وانتم محتميله قباله

نبقى سندكم في ذرى راية الدين
حنا فراش العز وانتم جلاله ..!