دامت افراحكم يالاهلاويين .. وقناتنا الخشبيه فضحهم اماراتي بسؤال بريء !!

دامت افراحكم يالاهلاويين .. وقناتنا الخشبيه فضحهم اماراتي بسؤال بريء !!


يسعد مساكم جميعاً


مبروك علينا البطولات المتتاليه في جميع الالعاب .. اعتبر هالشهر كان شهر لحصد ثمار العمل الناجح بجميع الألعاب وهالشيء متعودين عليه في كل سنه يشارك فيها الاهلي

يمكن اللي استفزني اكتب هالموضوع اعلامي اماراتي ما اتذكر اسمه بالضبط يتسأل ومستغرب :: يقول كل ما حطيت على القناه الرياضيه السعوديه واقرأ شريط الاخبار اللي اسفل الشاشه انصدم ان اسم النادي الاهلي يتكرر بشكل يومي بتحقيقه بطوله بجميع الالعاب المختلفه يوم اقرأ تحقيقه لبطولة كورة الماء واليوم اللي بعده اقرأ انه حقق بطوله بكرة التنس .. واليوم اللي بعده تحقيق بطولة العاب القوى .. واليوم اللي بعده تحقيق الاولمبي بطولة الامير فيصل ومستغرب كيف نادي بقيمة الاهلي انجازاته وبطولاته بجميع الالعاب تعرض فقط ع الشريط الاعلاني اسفل الشاشه بدون مايكون هناك مواكبه اعلاميه ونقل الحدث ع الهواء مباشره او كأقل تقدير تقرير مصور يعاد بثه بأي وقت من قنواتها الست ..

ولو هالأعلامي الاماراتي اجل او تأخر كلامه الين بكره كان قرأ بنفس الشريط ان الاهلي حقق بطولة اليد اليوم ولو صبر شهر هالاعلامي راح يتكرر اسم النادي بأذن الله بتحقيقه دوري الشباب لكرة القدم .. وكأس الملك .. وكأس كورة الطائره




اولاً كل الشكر للاعلامي الاماراتي على انصافه لأنجازات الاهلي ولا عزاء للشامتين من قناة الخشبيه او من الاعلاميين اللي حاولوا اخماد انتصارات الاهلي بجميع االألعاب

ثانياً اتشره ايه اتشره على هالأعلامي اللي ترك ارقى القنوات الرياضيه وضيع وقته لمتابعة قناة الخشبيه اللي مازالت الى الان تحاول بكل الطرق والسبل لأخفاء انجازات الاهلي
للمعلوميه :: ان الخشبيه الرياضيه تتمنى كتابة انجازات الاهلي بورقة ملاحظات او بورقه (مسوده) من ورقة مذكرات صغيره لأخفاء انجازات الاهلي لولا خوفها من جنون جماهير الراقي




تخيلوا اليوم بطولة كورة اليد تبث على القناه السادسه من قنوات الرياضيه والغريب في الموضوع ان بنفس توقيت المباراه مافيه اي حدث مهم بالقناه الاولى او الثانيه .. وكأن مباراة الكاس مباراه هامشيه من ضمن هوامش القناه الخشبيه



بطولة الماء والتنس والعاب القوى تحققت خلال هالاسبوعين وماكان فيه اي تفاعل من القنوات الخشبيه!!!!!

من اللي يقف خلف اخفاء انجازات الاهلي؟ معقوله اداره تعمل ولاعبين فندوا وقتهم وجل اهتمامهم لأجل شعار النادي ومشوار سنه كامله من التعب وتحقيق بطوله وبالاخير يكتب انجاز الاهلي بأسفل الشاشه .. بدون اي تفاعل او تقارير مصوره عن هالانجاز؟؟؟

المصيبه انها 6 قنوات يعني معقوله مافيه مواكبه للبطولات اللي فيها تتويج؟ لو كانت مثل اول قناه واحده راح نلتمس العذر ... بس 6 قنوات !!


تحسبوا واحتسبوا الاجر .. وتحسبوا على الزمن اللي رمى حظ الاهلي وانجازاته بقناه تدعي الوطنيه ولكن للاسف كل طاقمها احتشدت وتوحدت للوقوف لأخفاء بطولات الاهلي ..

دمتم بود ...