البارحه يوم امرحوا الخلق شقيـت

البارحه يوم امرحوا الخلق شقيـت=
=جيبي ودمـع العيـن منـي يهلـي
على الذي في سوق ربـاع وافيـت=
=قلـت السـلام وهقوتـي مافطلـي
دبر وأنـا فـي ماقفـي ماتعديـت=
=دبر سليم وطحت أنا فـي محلـي
تسابقـت عبـرات قلبـي وونيـت=
=ونه لو إني عدتهـا طـار عقلـي
تراكضوا جيراننا وامتلـى البيـت=
=قالوا علامك قلت جيبوا الكفن لـي
مادام غض العود قفى وأنا اقفيـت=
=واللي يبـي قلـب العناءماحصلـي
وش فايدة عمري إلي من تعافيـت=
=الموت اريح لي من فـراق خلـي
ياموت وش علمك على القبر شحيت=
=مانيب الأول كم خذا الحـب قبلـي
الله يصيبـك لابغينـاك ماجـيـت=
=ياموت عجل خـل عنـك التغلـي
صارت حياتي هم واليـوم مليـت=
=مابغى حياتي عقب ماغـاب خلـي
أول إلى من جيت له يفرش البيـت=
=واليوم بانـت رغبتـه يبـي قتلـي
لامن نشدته بيننـا ويـش سويـت=
=يقول أنـت ابخـص ولاتعتذرلـي

يعطيك العافيه

صح لسانك

تقبل سلامي

صح لسان قايل القصيده


والله يعطيك العافيه على النقل ياقلب العزيزي

مشكووووووووووووور وتقبل تحياتي