محااوره بين عمالقة امحاااوره

بسم الله الرحمن الرحيم

السلام عليكم ورحمة الله وبركاته وبعد

هذه المحاوره من أروع المحاورات التي لايجيد التقيّد بقافيتها سوى

الشعراء المثقفين والقادرين على الأبداع فتعالوا نستمتع بإبداع

الشاعرين الكبيرين حبيب العازمي _ و _ محمد السناني

_______________________________________________



حبيب




مرحباترحيبتٍ مثل العسل وأحلا وحلاّ
يالضيوف إللي حللتم فالمحل أعلا وسهلا

من تعلم في حياته ماجهل حاشى وكلاّ
والغشيم إليا كتب لابدمايخطي في الأملا





السناني





البقى ياهل الوفى مثل الخيال المستهلاّ
يارجال إصدورها من موجب الضيفان كملا

ياحبيب دفتر التعليم ماهـو مستحـلاّ
والمثابر فالزمـن لابـد مايفنـى ويبـلا





حبيب





يامحمد لاتقول أن الجمل فالحمض فلاّ
يامثنيها معقلها سرت من دون عقـلا

حضنا دايم كبير ونجمنا نجـمٍ تعـلاّ
والمشاكل لاتجمعها على رأسك وتبـلا





السناني





ياحبيب لاتقول الحبل بين يديـك حـلاّ
الليال المظلمه في رأس ابو عمار حبـلا

أنت طيب لكن إللي من على العالم تولاّ
مايعارض في طريقه غير مهبولٍ وخبلا






حبيب





إختلفنا وإتفقنا وإختلفنا قولوا ألاّ
أنت ياللي تنطق ألا ليش ماتنطق بعـد لا

حلونا ماينتمرر مرّنا ماينتحـلاّ
وإن بغيب الميل ميل ولن بغيت العدل عدلا





السناني





إتفقتوا وإختفلتوا ماطلع فيكم معـلاّ
واحدٍ منكم شجيع وواحدٍ دعـواه ختـلا

مانبي ننشدك عن زلة لسانك يوم زلاّ
صبر ولا حنضلة جاء للأسد عشرين شبلا





حبيب





قلت لرجال عان الدرب والرجال ظلاّ
والمريض يطيب بعد إنه على النيران يصلا

لونشيع قلب بن متروك شفناه يتدلاّ
مير بن متروك وسط العيص عنها وين يجلا





السناني





أنت رجالٍ تهم الناس والشيخ يتغـلاّ
إنتهى عشرين فصل وباقيٍ عشرين فصـلا

لونشيع مخ أبو فيصل نشوف إنه تملاّ
مابقي له غير تطعيمه على الماشي ومصلا





حبيب





كيف تجحد وأنت حاضر عصر وعيونك تحلاّ
الله إنه لايبارك فـي هـوى عنتـر وعبـلا

أنت مخك يامحمد نصف معك ونصـف ولاّ
مالك إلا من يجيبلـك الـدوى مدبـول دبـلا




السناني







مانعارض مايدبـر ربنـا عـزا وجـلاّ
وأنت ياحبيب معلق فالجمل عشرين حبلا

للحكم من وسع صدرك لاتضيق ولا تملاّ
والحقيقه ماتخاطبك العرب من دون سبلا




حبيب





وآهني إللي لياحان الفجر كبر وصلاّ
عقب صارت سالفتكم مالها لاأوّل ولاأتلا

[/size[/align]]