شليويح المطيري ومطلق الثبيتي في محاوره ناريه

--------------------------------------------------------------------------------

السلام عليكم
هذه محاورة بين الشاعرين مطلق الثبيتي-رحمه الله- والشاعر شليويح بن شلاح المطيري في دولة قطر الشقيقة في عام1400هـ..

يقول الثبيتي

ياشليويح المطيـري صرت مثل السوسه=كل بيت تدخلة تعرف مخازن حبه
لو ابوك الله حماه من امك المنحوسه=كان صلى كل ليلة ركعتين لــربه

قال شليويح

لاتعلم كان عندك حاجة-ن- مدسوسه=كل جحــر عارفين حيته من ضــبه
لوابوك مطللق امك مااصبحت متعوسه=السبب من راسك المقرودوانت السبة

الثبيتي

جـــيت بالطاسة ودك تحـلب الجاموســه=مير حطت فيك جرح مانت لاقي طبه
وانت لوتعرف جميل الغرسه المغروسه=ما رميت اغصانها في نــارك المشتبه

شليويح

ما نلومك لاقي لـك كبسه مكبوســه=مير من يعطيك من زاده لزوم تسبه
انت ذيب ولاقي لك صيدة مفروسه=قد فرسها ذيب و الريع المراوس ذبه

الثبيتي

لــو علمنا عن خفايـا الخطة المدروســه=كان نهوي فوق راسك صبح بالمرزبه
وانت راسك بين نيبان الجمل وضروسه=والجمل يلعب على العربان ماتلعب به

شليويح

الجنون بــوسط راسك كلها محبوســه=لو كويتك كان طابت رجلك المنصبه
والحرامي مانت سارق مزهبه وفلوسه=لو تشيل الفرد والسكين تحت الجبه

..اتمنى ان تحوز هذه المحاوره على رضاكم..

يا سلام عليك

يا سفير الشعر والإبداع

اختيار موفق

وطاح علي الخفايا شليويح

ما يفكك الحديد غير بعضه

خالص التقدير لك اخوي
السفير

اختيار موفق

مبدع

ياسفير المهد

يعطيك العافيه

واصل عزيز


الزعيم



يعطيكم العافيه على مروركم