مستور العصيمي والعازمي حبيب

حـــــــبـــــــيــــــــب

ياصاحبي مستور يوم انت بـدوي سنّـك كبيـر=قـدّم لنـا نبـذة بسيطـة عـن حيـاة الباديـة
أحسن ركوب الطايـرة والباخـرة والا البعيـر=والا ركـوب الموتـر اللـي مشيتـه متحاديـة

مـــــــســـــــتـــــــور

البادية والحاضرة سـوى سـوى تنعـم بخيـر=اخذ السوالـف هاديـة مـا دام الاجـوا هاديـة
لوّ البعير يطير كان احسـن لكنّـه مـا يطيـر=سفينة الصحـرا وميـراث(ن) مـن الاجداديـة

حـــــــبـــــــيــــــــب

الناس طلعـت للقمـر وانتـه محلّـك تستديـر=أصبحت مثل الكورة اللي عنـد بـاب الناديـة
اختار فالأمريـن والموضـوع الاول والاخيـر=اتشـاهـد التلـفـاز ولا تستـمـع للـراديـة

مـــــــســـــــتـــــــور

أنا زرعت البر واحصد بر ليش احصد شعيـر=واخذت للحرة مـن التاجـر رسـن وشداديـة
اليا بغيت اختار اخذت الطيبـة مهمـا يصيـر=واهـل الفتايـل وش تقـول وقدحهـا بزناديـة

حـــــــبـــــــيــــــــب

اللي زعل يشرب بحر واللي رضي يشرب غدير=والسايـق المسـرع لعلـه يقـطـع العـدّاديـة
خذها بدون مجاملـة كلمـة يعبّرهـا الضميـر=يا لأجـودي مالـك مكـان إلا مـع الأجواديـة

مـــــــســـــــتـــــــور

اللي زعل واللي رضي واللي قطع سلك الحرير=علم(ن) بدون اشهود عند النـاس مالـه قاديـة
خذها نصيحة يا حبيّب واحسم الوضع الخطيـر=اللي يصيد الناس مع طـول الدهـر ينصاديـه

صح لسان الشعار

ويعطيك العافيه

ياسفير

لاهنت يالزعيم على مرورك المتالق

محاورة في قمة الروعة

صح لسان الشاعرين وسلمت يمناك ياسفير المهد

الف معنى الاروع من ذلك مرورك


لك تحياتي


لاهنت