زودت الجراح جراح

عسى مازعلتك البارح وزودت الجراح جراح..
عسى مامرت الدمعه على اهدابك من أسبابي..

جرحتك من كثر شوقي وخليت الكلام رمـــاح..
ولا أدري شلون ياعمري طعنتك حيل بعتابــي..

بدون شعور صدقني ترى كثر الغلا ذبــــــاح..
تعال وشوف بغيابك غلاك شلون سوابــــــي..

حرام تغيب من عمري وتعطيني الفراق وشاح..
حرام الدمع في عيني مناديله هي أهدابــــــي..

غيابك يشغل عيون الزوايا وأمتلى أشبـــــاح..
وأنا انثر صوتك بقلب المكان وأشعل أبوابـــي..

تلفت للأمل دام الرجاء في عمـــــري الملواح..
أناديلك ولو شرهة وصولك تقطع أعصابــــي..

أبيك الجاي من عمري أنا ماأبيك شيء وراح..
مدامك أجمل وأخر مدامك أول أحبابــــــي..

أبي أرتاح ياعمري وأنا أدري هم تبي ترتــاح..
تعال وقبل ماأفرح ترى تفرح بك ثيابـــــي..

أحبك يابعد عمر الحزن والجرح والأفـــــراح..
أحبك كثر مانامت عيونــك داخل أهدابــــي..

رآآآآقت لـي جداً .. </b></i>

صح لسان الشاعر

قصية رائعه اخي الوتيش

الله يعطيك العافيه