قصيدة رائعه في بني عزيز

12-31-2007, 01:49 AM

بسم الله الرحمن الرحيم

اقدم اليكم احدى القصائد التي اعجبتني في قبيلة بني عزيز اتمنى ان تنال استحسانكم
واستأذن شاعرها في كتابتها في هذا المنتدى لان قيمتها الحقيقه في وجودها هنا

يالله يارب العباد مدبر ارزاق العبيد = يلي اليا ضاقت على المخلوق تفتح بابها
ابا افتخر في عزوتي كسابة المجد التليد=الي ليا ذكر الشرف تذكر وهي اولابها
بني عزيز الي مواقفهم كما صم الحديد= من صكته سود اليال المعسره ينجابها
حنا كسبنا النعم يوم النعم يبغاله رصيد= افعالنا تضمن لنا التنعيم وقت حسابها
يوم انها بالشلف والبلجيك وايام الوعيد= من العدا نشبع سراحين الخلا وذيابها
ويوم انها بالعرف واخذ وهات والراي السديد= نقلط على القاله ولو كبرت نفك انشابها
رجالنا وقت العناده والعناد اكبر عنيد= ووقت الرضى لو تطلب عيونه يبا يصخا بها
بني عزيز مطوعين الضد في اليوم الشديد= لاغثرب المشرب نهار النار من شبابها
بني عزيز الي ماضمت مرجفون ولارعيد=افعالهم درس وعبر للي تعن ركابها
بني عزيز اهل الحميه والله المولى شهيد=ان الحميا بالوراثه في دمي شبابها
فينا الولد يسعى لدرب الطيب لو انه مكيد= والطيبه لو هي خلاف سهيل قام وجابها
نتعب على قولة نعم ونقوله هل من مزيد=الضعف ما حنا هله والطيبه نشقابها
والهزل والمنقود عنا دربه يسار وبعيد= والي تسود وجه راعيها فلا نرضابها
وختامها صلوا على مرسول خلاق العبيد= محمد الهادي شفيع الناس يوم احسابها

للشاعر ( فهـــــــــــد بن خالــــــد بن الوصــــي )

ارجو التثبيت وسازودكم باذن الله بقصايد اخرى للشاعر حين توفرها

وشكرا

عزيز555 · 12-31-2007, 02:14 AM

صح لسان الشاعر فهد خالد
بس يليت نسقته افضل من كذا
قصيدة جزلة ولاهي غريبة على ابو خالد

عزيز555 · 12-31-2007, 07:58 AM

تسلم اخوي على النقل والاختيار الموفق

تقبل تحياتي

عزيز555 · 12-31-2007, 09:14 AM

أخوي عزيزي555
بارك الله فيك وبيض الله وجهك علي النقل الطيب

وسلمة يمينك
وصح الله لسان الشاعر فهد خالد الوصي على هذه القصيدة واشهد بالله انة ما قصر

واستأذنك الان طال عمرك على التنسيق في الموضوع والقصيدة

وارجو من سعادتك التقيد بالانظمة وعدم تكبير الخط أكبر عن المعتاد
حيث ان تكبير الخط يعتبر في المنتديات بمثابة الصراخ وانت تفرح صدورنى بمواضيعك المميزة ولا تصارخ على من اتيت لهم وكلك شوق واستقبلوك بقلوب مليئة بالفرح والسرور بقدومك المميز وانارتك هذاء الصرح الجليل وتشريفك لة

كما ارجو منك زيارة رابط تنسيق القصيدة التالي
http://www.aziznet.net/vb/showthread.php?t=82

عزيز555 · 12-31-2007, 11:51 AM

الاخ عزيز 555مشكور ماقصرت
وصح لسان فهد خالد الوصي
ورجوالمزيد
ويعطيك العافيه على النقل الرئع

تحياتي

عزيز555 · 12-31-2007, 02:26 PM

اشكر الاخوه الكرام على مرورهم واهتمامهم والله يعطيكم العافيه

عزيز555 · 01-04-2008, 12:17 AM

صح لسان فهد

وتسلم يمينك على النقله الرائعه

وتقبل مروري

عزيز555 · 01-13-2008, 07:38 PM

بسم الله الرحمن الرحيم
السلام عليكم ورخمة الله وبركاته

ونعم في بني عزيز ويستاهلون العلم الغانم.

تقبل مروري وبيض الله وجهك

عزيز555 · 01-14-2008, 01:30 AM

مشكور عزيز555

على القصيده الجيده

وبيض الله وجهك يالعضيله ولا عليك زود يالغالي والي يفرحك يفرحنا

وكل علم طيب لنا او لك يفرحنا

عزيز555 · 01-14-2008, 03:27 AM

قصيدة جزله
وتحياتي

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات