الـــكــــف المحنـــّــــا

السلام عليكم ورحمة الله وبركاته

بمناسبة الامطار هذه الايام (اسأل الله ان ينفع بها )

اقدم لكم هذه الابيات ...إهداء الى عشّاق الشعر والمطر

نشى نوٍ عسى المولى يسـوقـه
عـلـى دارٍ بـه الـكـــف المحنّا

يطيب الجو في ضحكت بروقه
ويـقــفـــى لـه من القــبـله مثنّا

يهل الوبل من صادق حقــوقه
ويــرخــي سَبــل غـيثه ماتونّا

غصون الدَوْح تسقيها عروقـه
ســبــوح إعروقها منه إرتونّا

يطيب الصبح في طلّة شروقـه
عــلى نوْح الــحـمام اللي تغنّا

على روس الجريد اللي عذوقـه
طــري عـرجـونـها مـال وتثنّا

جديد النبت من شافه يــشـوقـه
ويــفــرح بـه حـزينٍ ماتــهـنّا

وظــبي الصيـد نواره يعــوقه
ولو يــنطق يـقول أطلب تمنّا

عسى تنعْم نفوسٍ له شــفوقـه
وخشف الرم يَنعْــم في وطنّا

منيع الله بن داخل العزيزي