قصة وحيشة المشلحية مع ابن هذيل

حبيت اكتب لكم هذه القصة الرائعة المؤثرة الحزينة ايضاً!!!
قصة وحيشة المشلحية مع ابن هذيل
ابن هذيل من شيوخ العمود من أمراء سقف(سقف من محافضة الغزالة جنوب حائل) للي مايعرفها!
و وحيشة من سقف ايضاً
القصة: أدهرت نجد بأسرها ورحل ابن هذيل ومن معه إلى نقرة أيوب(نقرة أيوب بين سوريا وتركيا)
الكلام هذا قبل ما يقارب 300 سنه
لم يبقى في ديرة ابن هذيل سقف الا الضعفاء والمساكين وكانت وحيشة ممن بقي في سقف!!
المهم غاروا عليهم القوم ونهبوا حلالهم واراضيهم ومالهم ونخيلهم مابقوا لهم شي

عاد هي وحيشة جالسة تحسّر على حلالهم الي راح وتوجد على ابن هذيل أميرهم لو كان عندهم مانهبوهم القوم
قال له ولده: يمه!!
قالت: نعم!
قال: أشوف الشيب كثران براسك
قالت آآييه!!
وهذت هالقصيدة الي تمعط الحشا





قالت وحيشة يامـلا ليـه ماشيـب

وغرس الجدود الي غدا وقت الإفلاح

ياغيبة ابن هذيـل ياغيبـة الذيـب

شفنا النكاير والنكد عقـب مـاراح

مار ياراكب حمرا تجيبه تحاضيـب

تجدع يديهـا بالخـلا تقـل زنـاح

حمرا هميمة من خيـار المناجيـب

أكواعها عن لمسة الـزور طفـاح

حمرا ليا نيشت بـروس العراقيـب

أسرع من الشيهان لا شاف ملـواح

ركابها من عزوتـي منقـع الطيـب

ضد الحريب إن صاح بالنزل صياح

وأربع ليالي صدق ماهـي تكاذيـب

تلفي على ابن هذيل كساب الأمـداح

قل ديرتك سقف ولوهـا الأجانيـب

يروح عليها من الشعب كل مصلاح

جانا ضعنهم مـع دبشهـم جناديـب

وصار الخطر منهم علينا بـالأرواح

عجـل علينـا ياحصـان الأطاليـب

لك هدة(ن) تاخذ مع الخيل مسـراح





عاد يوم وصلت القصيدة لابن هذيل عقب فترة
وهو يشاور الي عنده





وش هقوتك مداد مـن نقـرة أيـوب

العصـر مايمسـي حـوال الغـزالـة

فوق أشقر(ن) طلق الذراعين مرعوب

أسرع من الشيهـان معلـف عيالـه





قال: لا وينك ووين الغزالة بينك وبينه ما يبيد السمينة

وهو يفرك غرابة الشداد ويرتكي عليها
بعد شوي صبوا القهوة ومدوا الفنجال لابن هذيل ( تقهو يا الأمير)
ما رد عليهم ...............

مات حسرة وغبن على مركاه
والسبب قصيدة وحيشة
نخته وهو مايقدر يسوي له شي

مشكور اخوي الوايلي

على نقل هالقصه والقصيده الجميله وبيض اللة وجهك

الوايلي

يعطيك العافيه على هالقصه والقصيده الجميله

الوايلي

قصه رائـعـه.وقصيده أروع

يعطيك العـافيـه على النقـل

أبن صـعـيـر

الاخوان الاعزاء

الشكـــــــــــــــر موصول للجميع ولا يحرمنا منكم ياعيال العم

تسلم ايدك علي طرحك الراقي
قصه جميله وروعه
تقبل تحياتي

يعطيك العافية
اخوي
الوايلي
قصة رائعة
إبداع

الوايلي
مشكور
ويعطيك العافيه