تلـــــعـب طرب وأنا بنومي هواجـــيس

تلعب طرب وأنا بنومـي هواجيـس
ماسهّـرك بالليـل كثـر الهمومـي
أسهر إلى نامت عيـون الهداريـس
وبالليل اراعي ساهـرات النجومـي
أوجس بقلبـي مثـل دقّ النحاحيـس
الله يلـوم اللـي لحـالـي يلـومـي
قالوا جهلت وقلت جهل(ن) بلا قيـس
الجاهـل اللـي مايعـرف اليمومـي
أشـوف عـدلات الليالـي مقابيـس
ولا احد(ن) من الدنيا عظامه سلومي
تضحك وتخفي لك خفـيّ الهناديـس
تفطر لها يوم(ن) ويوم(ن) تصومـي
إعمل وتلقـا وافهـم العلـم بالقيـس
دنياك لـو زانـت تراهـا نقومـي
إلى توافـق مشّـور السـوّ وابليـس
تبـر منـه وعـزّ ربـي يدومـي
اربع سنين ودمـع عينـي أماريـس
العين تسهـر كـنّ فيهـا هزومـي
بالليل اصالي حاميـات المحاميـس
والصبح الاوي كل قبّـا(ن) قحومـي
وإلى ركبت معالجـات المضاريـس
يبرد على قلبـي لهيـب السمومـي
قبّ(ن) تنـازى بالنشامـا كراديـس
والطير فـي روجهاتهنّـه يحومـي
والعزّ فـوق معسكـرات السواديـسّ
إلى طلبت اللـي بالاشيـا رحومـي
إلى سمك عـجّ الرمـك بالملابيـس
المسعد اللـي حـظّ ربعـه يقومـي
وشلف(ن) تركبّ بالعروق المناسيس
وقحص المهار وكلّ قبّا(ن) قحومـي
صوابنا بالميل غمق(ن) إلـي قيـس
وطريحنـا فـي مثبـره مايقومـي
إن جنّ بنا مثـل النعـام الأماريـس
لا خفّ عجل(ن) مع رقاق الحزومي
كلّ القلـم مـن كتبنـا بالقراطيـس
وركابنا من كثـر الأقـران تومـي
لومي على اللـي ينقلـون العبابيـس
وأهل الفرنج وكـلّ رامـي لحومـي
إستلحـق اللـي يطلبـون النواميـس
اللي من الأقصين وأدنـى اللحومـي
إن جن بالميـدان مثـل الدواويـس
وطار الغطا عن قانيـات الرقومـي
عـرّج باهلهـن كنّهـن القرانيـس
على الطريح مصوبرات(ن) كظومي
لا خير في كثر الحكـي والتماليـس
هرج(ن) بلا فعل(ن) يجي به وهومي
من لايدوس الراي من قبـل ماديـس
عليـه داسـوه العيـال القـرومـي
ومن لاي يقلطّ شذرة السيف والكيس
تبـدا عليـه مـن الليالـي ثلومـي
والقصر مايصلح على غير تأسيـس
ومـن لا تعلّـم ماتسـر العلـومـي
ومن لا خذا الدنيا بميز(ن) وتقييـس
مثل الذي يسبـح بليـل(ن) يعومـي
والشيخ من يعطي الفقـارا المفاليـس
يبـدّل الساعـة بعـزّ(ن) يقـومـي
والحـر لا دبـتّ عليـه النواميـس
يشهـر وعـن دار المذلـة يشومـي
وإلى اكترب من بعض الاشيا نسانيس
إعـزم ولا بـدّ الفـرج بالعزومـي
باب الفرج لبسك نظيـف الملابيـس
ينجيك بأيـام الكـرب والزحومـي
يجلي صدا قلبي ضبيـح المهاريـس
لاقـام شـرّاب القهـاوي يعـومـي
ودلال فـوق النـار دايـم مجاليـس
أكرامهـن حـقّ(ن) علينـا لزومـي
من صنعة الصبّة وخمس التخاميـس
بريّة(ن) يعمـل بهـا كـلّ يومـي
وبهارهن هيـل(ن) بليّـا حواسيـس
كيف(ن) يعـدّى للنشامـا القرومـي
عـدّه لحمـاي العيـاد المـراويـس
والا الحصان اللـي بقينـه وهومـي
حتى يزين لنـا المثـل والتوانيـس
والكيف طاب لمـن يفـكّ القحومـي
وصلاة ربّي عدّ رمـل الطعاميـس
على شفيـع الخلـق يـوم اللمومـي

الطائر الاخضر


يعطيك العافيه على النقل المميز

دائما مبدع

تقبل تحياتي

مشكور اخوي سفير المهد

على مرورك الطيب

مشكور
ويعطيك العافيه

شكراااا لمرورك ابو فارس