صـوت * أبو أثير * --------- صدى * العزيزي *

السلام عليكم ...


اهداء للجميع وبالأخص أبو أثير

قرأت موضوعك لو هملوني عزوتي ورديت عليه ومجهز ردي قبل العيد بس يوم جيت واقلب بالجوال الا هذا الرد بجوالي

قلت والله مااردها لازم تصل له بعن الخيل

واتمنى تقبل ردي المتواضع


الصـــــــوت

سلام مني عقب ما شبيت في راس الفتيل= قافن يحك بقاف والدنيا تراااها زايله
الادمي مثل المسافر والعمر فترة مقيل= مابه خلود وكل منا سايقن رحايله
وانا فتلت القاف لن القاف ماغيره بديل= واقول شين لو يغيب القاف ماني قايله
ان هملوني عزوتي عديت في راس الطويل=تبرق وترعد في عيوني والسحاب اخايله
الاد وايل ياحزامي مابقا غير الجميل = والا بعيد القوم ماني في رجا جمايله
ربعي بني وايل وانا ماني على ربعي دخيل= من نسل شاعر غاب لكن باقيه مثايله
صغير سن ومن فضل رب الملا ماني قليل= وان قصرت يمنى يميني فاللوازم طايله
وماجيب ياكود القصيد الجزل والوزن الثقيل= وعندي على نظم القصيد الجزل قدره هايله
وختام مني لو يميل الوقت ربعي ما تميل= وكم سيل وادي سال لكن ما ملاا مسايله

الصــــــــدى

جاني جوابك يبن عبدالله وانا باقف كفيل = من دون ربعي راح اوقف لو جروحي سايله
يامرحبا ترحيبة البدوان لا دن المخيل = يامرحبا واهلا هلا بالمزن واللي شايله
الادمي وسط السفينه بالبحر عابر سبيل = وياشيب عنه لو تصير اللي ركبها مايله
اليا غرقت تسمع من الركاب صيحات وعويل = بحرن به العالم تولول من كثر هوايله
ياصاحبي واسمع كلامي .. كب عنك القال قيل = والقرم يعرف وش رداة الخيل وش آصايله
ربعك لهم برجٍ من الأمجاد لايمكن يميل = والحمد لله روسنا للذل ماخي آيله
حنا السيوف الضاربه .. حنا مزبنه الدخيل = حنا البيوت اللي توقي القوم حر القايله
حنا نحق الحق لو من رفعنا السيف الصقيل = حنا نشوم اعن الكلام اللي كثرت هزايله
الصدر من ربعك من الضيقات حذرى لايشيل = الصدر خله كبر من جدة يالين السايله

وسلامتكم


والمعذره على الاطاله ياابو أثير مرة أخرى


أخوكم

منصور حمود الطحش