مرثية تركي الميزاني في فيصل الرياحي

بسم الله الرحمن الرحيم


السلام عليكم ورحمة الله وبركاته هذه مرثية شاعر الوطن تركي الميزاني في فيصل الرياحي




خيم الحزن في صدري ونـوخ ركابـه

وابتدا ليل هم ونـوم عينـي هجرتـه



ما بقى للقصايد وسط صدري رحابـه


غير هم لي اجتاح الخفاء مـا شكرتـه



كل مخلوق فا الدنيـا مقـدر حسابـه


لو يقولون توه ما خلص مـن ثمرتـه



والسبايـب تفـاوت والمنايـا تشابـه


واجل الانسان تكتب ساعته من صغرته



اه يا اخويه اللي مـا تعـوض غيابـه


اشهد اني فقدته واشهد اني خسرتـه



كيف ابنساه وادله واتنسـى مصابـه


وكل طاروق لا جيت ابتدي به ذكرتـه



يا بدر كل كسر يهون واجبر صوابـه


غير كسر يبي يبطي وانا مـا جبرتـه



رحمة الله على اللي له مقام ومهابـه


منبع الطيب يوم الطيب تثمر شجرتـه



من فراقه غديت اقنب قنيـب الذيابـه


وبح صوتي ودمعي من عيوني نثرتـه



ودي اسلى عن الهاجوس واصك بابه


مار همي وحزني ساقنـي مـا قدرتـه





اليكم الرابط
www.5ymah.net/inf/voices-action-show-id-3186.htm

اخوكم المحروم