قصيدة لـشاعر الـوهـيطـات

السلام عليكم ورحمة الله وبركاته
اتركم مع هذا القصيده وتحكي عن نفسها .. من غير قاصر بالقبايل كلها كلن فيه حقه ودون حقه
لشاعرها : شاعر الوهيطات عبدالمجيد بن عريج الوهيطي والذي كرم في منتديات ابن شرار


اخطيت يالصاحب وذنبك كبيري=لاشك هرجك تجهل اليوم معنـاه
ينطق لسانك في كلام خطيـري=وياكبر كلمه قالها اليـوم كبـراه
تقول مافي خوة مطيـر خيـري=من عرض ماقالولي الناس قلناه
تقولها مرتاح فـوق السريـري=حكم السعود تزبن الجاير حمـاه
وعيشتك خبزه فوقها جبن كيري=وعليك ملتمـه زقـوم مـلاواه
كبير عمرك بس عقلك صغيري=مثل الغرير اللي على الديد ووّاه
حتيش لويملك كنوز الحريـري=ومن الشحم متصفط فوق علبـاه
مد القريفه بحر وانته غديـري=ريف الركايب لاقبلتلـه مزرفـاه
وابن شرار وفزعته للكسيـري=الموت كن الموت للحي يدعـاه
ينـام بحمانـا هنـي القريـري=وتلقى عدو مطير يهابه ويخشاه
حمر النواظر حمـرو لنظيـري=والكل منهم تنثـر الـدم شلفـاه
كم ليله فيها صبـاح ومغيـري=وقطعان ذودك بيـن ذولا وذولاه
في سهلة نقنصك مثل القميـري=ويشبع منهو يرعب الشاه بعواه
واليوم بيرك!! اصبح اليوم بيري=وإدلينـا متعاقبـات علـى مـاه
سقناك من دارك بحد الشطيـري=والشيخ عنها مقتفيـن مطايـاه
تهل دمع فوق خـدك غزيـري=ان كان مريت القبـور المغطـاه
مجبور عنها تعلنـون الفريـري=ياويل منهو عاند مطيـر ويـلاه
ماحد مبهذلكم من الناس غيـري=ولولاه ماكنـا كلامـك سمعنـاه
ومن لايخاوي فالمواقف مطيري=قله حرام ٍ مايعـرف المخـاواه
وسبع القبايل فيها شر وخيـري=والطيب اللي تكسب الطيب يمناه