سود الليالي مدرسة كل رجال * الله يبيض وجه سود الليالي

سود الليالي مدرسة كل رجال * الله يبيض وجه سود الليالي



الحـر.. لوتقفـي بـه سـلـوك وحـبـال
لابـد .. مايـرقـى لــروس الطـوالـي

اكفـخ.. وعلـل ضيـق صـدرك بالآمـال
وجامـل زمانـك لـو همـومـك ثقـالـي

واصبر عسـى همـك مـع الوقـت ينـزال
وعقب الغثـا.. تشـرب قـراح(ن) زلالـي

والغربـه اللـي ظلمهـا شهـور.. وليـال
يـدري بهـا منشـيء حقـوق الخيـالـي

دنيـاك هـذي كـل يــومِ لـهـا حــال
ايام .. لك .. وايـام .. لا لـك.. ولا لـي

سـود الليالـي مدرسـة كـل رجــال
الله يبيض وجـه .. سـود الليالـي

درست فيها انواع .. والـوان ,, واشكـال
و عرفت فيها مـن معـي .. مـن غدالـي

وميـزت عطـران الشـوارب.. والانـذال
وشربـت منهـا كـل مــر(ن) وحـالـي

مشيـت فيهـا بيـن .. طيـب .. وبطّـال
ومارحت احسّب وش مضى وش بقى لي


للشاعر عادل الذيابي
منقولة

بيض الله وجهك على هذا الأنتقا

الرائع دمت لنا ودام قلمك

راكان صح لسانك ولسان الشاعر عادل الذيابي

يعطيك العافيه على النقل

تحيتي
الح ـب حاكم ـني

صح السان شاعرها وسلمت انامل ناقلها
مبدع في اختيارك

مشكورين اخوني على المرور والاطراء
سمو القاف و الحب حاكمني والوصي

بيض الله وجهك على النقل الرائع وبيض الله وجه الذيابي على القصيده الجزله

انشهد ياركان انها قصيدة كايفه



فجر

تسلم اخوي راكان القصيده الجزله وصح السان راعيه ويعطيك العافيه
تقبل مروري واجمل تحياتي

مشكورين على المرور نايف المغيبي و فجر وابن شداد
تحياتي لكم