سائق المدرسات

واحد تخرج من الجامعة دوروظيفة ماحصل أشتراله أبوه باص صغير وهو عزوبي وفكه أبوه مع الحريم وبدأ ينقل معلمات شال مقاعد الباص وفرش الأرضية اشكال والوان زولية ومخدات وبطاطين ( حسب طلب المعلمات ) وحط ستارة بينه وبينهن علا شان ياخذن راحتهن وليا مشو مع الخط يسولفن ويضحكن وهو يسمعهن ومرخي سمعه وبجواره على الباب الايمن أبليس يسمعه الهمسات ويصور له تغمز العيون وفي أحد الايام كان مزكوم وقام يعطش وقالت وحده منهن يرحمك الله هو ماصدق أن أحد يكلمه منهن قال هاه قالت له تبغى كاست زنجبيل علشان تهدي السخنة عنك قال ايوالله مدة له الكاسة وشاف يدها بيضا وطاح في غرامهاوغلقت الكاسة الاولة والثانيه والثالثه لين غلقت التلاجه وهو مغير وده يشوف يدها ويسمع صوتها نزلهن وروح وانشغل بها ليله ونهاره اذا اطرت عليه كاست الزنجبيل رف قلبه وطار عقله ويدعو ويقول أنشاالله أنها بنت فلان الي بيتهم في ذاك المكان وفي أحد الايام قال أبغى أسمع صوتها اليوم فعطش وعطش وعطش لين بغت تطلع نفسه يباها تحمده وتعطيه كاست زنجبيل بس ماش الضاهر أنها نائمه فقال لخويه ابليس ويش رايك قاله عطل الباص وقومهن وقف الباص وزهمهن وقال الموتر خربان يابنات وجوالي طافي شحن من معها جوال نتصل على أحد يسعفنا قالت هي الطيبه هذي جوالي وشاف يدها وعرفها أخذ الجوال وهو يقول أه يازين جوالها ويازين يدها راح شوي عن الباص ودق على جواله ومسح رقمه من جوالها واتصل على واحد وتظاهر أنه يعلمه لاصلاح الخراب رجع وفك الكبوت وقال صلحت الباص ومشا وخزن رقمها باسم زنجبيل وليلة مادرا غير الجوال يقد وليا المتصل زنجبيل وقالت أنا بنت فلان الي في المكان الفلاني ماني مداومه بكره لاتمرني لقد عرفها وعرف انها شابة مثله لم تتزوج بعد فتقدم لخطبتها من ابوها فرفضه
ونتهت السنه وقام ينقلهن أبوها وبعد شهور من الفراق وعلى حين غفلة منه رن الجوال واذا بها هي المتصلة فرد عليها بلا شعور زنجبيل هي وش زنجبيله هو عفواً من انتي هي انا بنت فلان بن علان هو آمري هي ما يأمر عليك عدو بس ودنا نتعاقد معك ثانية ان كانك فاضي هو وابوك هي* الله يرحمه هو * صحيح * عفواً احسن الله عزاك وتغمده بواسع رحمته هي * جزاك الله خير هاه وش قلت هو * ما عندي مانع من هالحين هي * هو * بس عندي شرط بعد ابوك مامات هي * وش شرطك هو : تقبلين تزوجيني اغلقت الهاتف بعد صمت طويل ودون جواب فأرسل من يجس النبض فأتته الموافقه المبدئية تم الزواج وسعد الزوجين وفي يوم من الأيام وجدها غاضبة وفي يدها جواله هو * وش السالفة هي * انت اللي قلي من هي زنجبيل هاذي الي تكلمك وتكلمها هو * انتي يا حياتي واخبرها بالتفاصيل وجرب لها الرقم فضحكت من قصة حبه وقالت ان كنت حبيت من اول زنجبيل فانا حبيت من اول عطسه..،،،،،،،
ولكم الشكر
أخوكم محمد الذيب

يا الذيب الزنجبيل ما فان عليك به

ممتع في مواضيعك

[quote=شموخ عزيزي;121334]يا الذيب الزنجبيل ما فان عليك به

ممتع في مواضيعك[/quote

الزنجبيل زوين ماعليه

مير السائق عزوبي على الريحة

والعزوبيه لهم الله

مايشوفون الاناس مكفنة بالاسود وتمشي

كل الشكر

مشكور اخي ابن الذيب

حينما قارت القصه ذهبت الى احد المراكز التجاريه وليا مجموعة بنا ت قرب بوابة السوق واخوك الليث يعطس الاوله والعطسه الثانيه احتري الجنزبيل والعطسه الثالثه قالن بلى في عينك

المشاركة الأصلية كتبت بواسطة الليث

مشكور اخي ابن الذيب

حينما قارت القصه ذهبت الى احد المراكز التجاريه وليا مجموعة بنا ت قرب بوابة السوق واخوك الليث يعطس الاوله والعطسه الثانيه احتري الجنزبيل والعطسه الثالثه قالن بلى في عينك

أوه مالك حيله عزوبي وماصدقت
قمت تعاطش هن مكفنات
كل الشكز كل الشكر