بعض قصايد الشاعر الكبير علي الريض

السلام عليكم ورحمة الله وبركاته

قصيده رائعه للشاعر علي الريض المطيري .. ماشاء الله كل بيت افضل من الثاني

ياللي تبي تعرف اسراري وعنوانـي=الحزن والضيق واللوعـه عناوينـي
وان كان من جد يا بن الناس تبغانـي=في كل لمـة حـزن يمكـن تلاقينـي
يكتبني الضيـق واللوعـات تقرانـي=والناي من شرهـة احزانـي يغنينـي
أجامـل الصبـر والايـام تعصانـي=بالله قلي وش اللـي معجبـك فينـي
فقير يوم ان عز النفـس مـا غنانـي=كم قلت للفقر عـز النفـس مغنينـي
كم واحدن ما شتمته لجل مـا عطانـي=وكم واحدن ما مدحته لجـل يعطينـي
يقلقنـي الذنـب لامـنـه تغشـانـي=يالله مـن الذنـب والغفلـه تنجينـي
مافيه صوتن يخفف عني احزاني=الا ابن شريم لأأأأأم المــصـلـــينـــــي
ما هو بدايم يصير لسانـي ..حصانـي=كم زلة(ن) من لسانـي صـدق تشقينـي
من صغر سني وانا هالحزن يبرانـي=واليـوم عمـري تعدنـه ثلاثيـنـي
صحيح ماني بمثل ابـوي واخوانـي=رغم ان هقوات نفسي نوب تغوينـي
مـا مـد كفـي لكفـن مـا تمنـانـي=ولاسج رجلـي بدربـن مـا يودينـي
ما كذب لاكن اتجمل بعض الاحيانـي=يوم ان ها الكذب صاير شي روتينـي
في ظروف ازرف عزيزن ما تناساني=وفي ظروف ادور مزرفني وناسينـي
اعرف نبض الجفا في وجيه عدوانـي=واعرف نبض الغلا في اللي مواليني
والطعنه اللي تجي من صوب صدقاني=اقسى من الطعنه اللي مـن عدوينـي
كم مرتن مات دمعي داخـل اجفانـي=وكم مـرتن اتفـه الاسبـاب تبكينـي
كذاب لو قلت شعري يوم ما شقانـي=احيان يسرق منامي من جفـن عينـي
اكتب قصيدي عشان عيـون خلانـي=ومرات اجامل عشان ارضى محبيني
هذا اعترافـي وانـا مانـي بندمانـي=ممكـن ابصـم او التوقيـع يكفينـي

بعد ماطالني ليل الهجوس وطال بي مسراه = سريت وزان لي نظم القصيد ووزن قيفانه
عساي اكتب كلام مايخيب ظن من يقراه = وعساي اجيب من بحر الشعر لوله ومرجانه
انا العبد الفقير اللي رجاه وعزته بالله = إله مايخيب اللي طلب عفوه وغفرانه
وأنا اللي حده الوقت الردي يالين جاب اقصاه = زمان ماصفط لي غير تعذيبه وحرمانه
وانا الصب العليل اللي طواه البعد لين اشقاه = نسى ظلم الزمان ولانسى تجريح خلانه
اشوف العشق يكبر في الضلوع ولا قدرت اقواه = رعت ذوده مداهيل الخفوق وعشب صمانه
سبايب مترف ماداج في روض الحشا حلياه = ملك تاج المحبة واعتلى عرشه وسلطانه
عليه من البها هيبة شموخ وطلة تزهاه = وعلي من الشقا سقم الجروح وعين سهرانه
اليا منه تبسم شب قنديل الغلا بشفاه = ولا منه تجهم ضاقت الدنيا على شانه
ترك لي في غيابه طعنتين ودمعتين وآه = متى ينهي حضوره سيرة الحرمان واحزانه
له الله لانسى حدب الضلوع ولاذكر مرباه = ولي الله لاذكرته والغلا يرجح بميزانه

اخوي ابو ماجد
بيض الله وجهك على النقل الرايع

هلا والله أخوي وابن عمي أبوماجد

صح لسانك ولسانك شاعرنا علي

موضوع جميل كما هو متوقع منك

بيــّـض الله وجهكـ

سلمت ولا هنت

دائماً مميز أخي

وننتظر تعليقاتك و جديدك دوماً

يعطيك العافية

مشكور

كــُن بـخـيـــر أخـي


الــفـــــارس

مشكور
والله يعطيك العافيه

شكراااااااا أخوي