قصيدة الشاعر : مشعل معيض العزيزي

مشعل معيض العزيزي // سلام الله على الصمّان واللي يدهل الصمّان

سلام الله على الصمّان واللي يدهل الصمّـان=سلام الله على دار الفخـر والعـز والهيبـه
سلام الله على دار الشيوخ شيوخنا الدوشان=هل الفعـل القديـم وفعلهـم كـلٍ يماريبـه
وأنا لي الفخر يوم افتخر بشيوخنا الشجعـان=رجالٍ فعلهم فـي صفحـة التاريـخ يحكيبـه
على ظهور الاصايل نزعوا عن حدها العدوان=وحموها بحد السيف يفرق الهامه مضاريبـه
سلايل فيصل ومن لايعـرف قايـد الاخـوان=شجاع لاذكر طاريه جاب الخـوف والهيبـه
ركب قحص المهار وساقها في طاعة الرحمن=وروح مع شمال الدار واجنب بيـن اجانيبـه
مجاهد في سبيل الله يبا الجنـات والغفـران=عسى الله يرحمه عقب رجالٍ وارثـه طيبـه
رجالٍ في مواقفهـا ترجّـح كفـة الميـزان=عمود البيت هم وحنا من أوتـاده واطانيبـه
أقوله للعموم وبالخصوص الشيخ ابو سلطان=ولاينعم بالشيـخ صعفـق مكثـر تراحيبـه
راعي قصر مشيد في مشله شامـخ البنيـان=عسى الله يحفظ القصر وهله والناس تلفيبـه
سقاك الله ياقصرٍ الندى والجـود والاحسـان=وحماك الله من جور الازمان وعوج اساليبه
عسى يمطر على الديره واهلها رايح الامزان=مراويح السحاب يسيل منها العرق وشعيبـه
وختام القول نرجوا العذر بالتقصير والنسيان=وخيـر القـول ماقـل ودل وزان ترتيـبـه

هلا والله أخوي وابن عمي أبوماجد

صح لسانك ولسانك شاعرنا مشعل

موضوع جميل كما هو متوقع منك

بيــّـض الله وجهكـ

سلمت ولا هنت

دائماً مميز أخي

وننتظر تعليقاتك و جديدك دوماً

يعطيك العافية

مشكور

كــُن بـخـيـــر أخـي


الــفـــــارس

مشكور
والله يعطيك العافيه

شكراااااااا أخوي