طيب الولد من طيب ابوه ومن خوال طيبين

اخواني 00اخواتي

اعضاء واداره وزوار

السلام عليكم ورحمة الله وبركاته

اعتذر منكم في قلة التواصل وذلك بسبب ظروف وان شاء الله تزول قريب واتواصل معكم بدون انقطاع

رغم قلة دخولي الا ان قصائدي تصلكم اول باول عن طريق اعضاء المنتدى شاكر ومقدر لهم

هذه المتواضعه القياتها في زواج عبدالله بن عرميط العزيزي يوم الاربعاء 25/11/1433هـ

امل ان تنال اعجابكم تقبلوها كما هي

سلام تسليمن يعم اهل الحفل والحاضرين=فالمحفل اللي مثل نجم سهيل يوم ارقابته
من شاعرن يوفي حقوق اهل الوفاء في كل حين=يافي ويوفي في مواجيبه اليا من صابته
باسمي وباسم الاد(صوان) الرجال الغانمين= قومن توف الحق لامن نوخوا طلابته
جينا على سلم الجدود مكملين (مباركين)= للي دعانا للفرح حق علينا اجابته
ربعن لهم تاريخ والتاريخ خصم الحاقدين= قومن تنومس يوم كلن يعتزي في لابته
اهل النقاء والعرف والماجوب من طول السنين=والطيب (بذر) ولاغرابه منه في منابته
ولعيال عودن يدحم العدوان بالجنب المتين=اشد من ضرب المهند فالمعادي جابته
(عرميط) جعله من هل الجنه ياسامع قول امين =انشهد انه شارب الفنجال عن شرابته
وابوه قدمه طوع القيفان بالهرج الثمين =صاغ القوافي لين سمعت به عداه وهابته
وعياله عيال السعد على المسيره واصلين=يوم الاسد يجيب اسد يحفظ هيبة غابته
وشكراً لبو فيصل (محمد) شبل من ذاك العرين=يكسب بوقفاته جلال الطيب مع كسابته
طيب الولد من طيب ابوه ومن خوالن طيبين= والا الردي مافيه ثابه لو يشد عصابته
وختامها صلوا على محمد إمام المرسلين=شفيع الامه عند من يعبد وترجى ثابته

صح لسااانك كفيت ووفيت ياابو نايف وقصيده تأخذنا إلى الشعر الحقيقي
فأنت من شعراء القبيله المميزين وتجمل ربعك في كثير ٍ من المحافل .
ويعلم الله أنني من المتابعين لماتكتب يعجبني إسلوبك وطريقتك بالكتابه .
وحماسك بالإلقاء
ونعم فيك وبلابتك الصواونه قول وفعل0
سلمت على هذي الراائعه والجميله والجزله بدون شك

صح لساانك يا رويضي ...

وانت شاعر جزل ومن اكبر شعار القبيله وانا من متابعينك

شاعر مبدع وطيب وتواضع واخلاق

ونعم فيك وفي لابتك وانت فالواجب دايم ... لاهنت يالقرم

رويضي بن وسمي العزيزي
غني عن التعريف
صح لسانك وعتلا شانك
نننظر منك المزيد
وتقبل من ارق واعذب التحايا

ابو نايف يستاهل كل خير