تنساب

يالليث دام ان متكي على المنتدى
باقول لك سر لكن خل صدرك قبر

الحال ياخوك مزري ماعلاه امعدى
ماباقي ن في احتياطه لو ذرت صبر

ماراح في سالف الايام اعده فدى
ابغى الزمن يجبر الخاطر لكن مانجبر

اي والله اني بذرت وراح جهدي سدى
ولا وصلني عن جهودي من يرد الخبر

ماكن لي جرة في ارضي ولا لي صدى
الا عتابي على احلامي وطيف ن عبر

تنساب لن ضخها الشريان قطرة ندى
تاخذ شموخ الشيوخ وخف دم الجبر

بقي ان اقول

في علم النفس
السيجارة صمام امان عن الجفاف العاطفي

المعلومه السابقه ابريليه

لكني اوردتها لتكون مدخل
الى شهر مايو موسم قطف زهرة تأسر لبي وتخل بتوازني جاذبيتها

( فاصله)

هناك كوكب جميل يسمى الخيال خذ وقت نقاهه في ارجاءه

شكرا لكم

يالجامح اهلاً هلا والليث معك ابتدى
في البير ياصاحبي ســرك تراه انثبر

ان كان حالك بهذا الوقت راح وغدى
لاوالله الا زمان اليـــوم جــــف الحبر

ماراح خله فدا وابعد عن اهل الردى
اعمل لادنياك واللحق قبل سن الكبر

زمانن اقشر واشوفه مثل خط الهدى
اللي يصيد الضبى واللي يصيد الوبر

لاتشغل الفكر والخطوه بطول المدى
وتقيس للطيف والاحــلام متر وشبر

ارفق على الحال والشريان لايجهدى
ماتفيده الوصــفه ولايفـيد ضرب الأبر