هاجس الشعر

كلمآت : غيآهيب

هاجس الشعر يجبر صاحبه نظم جيل
خص كانه تهيا فيه شف ومجال

ودي اقطف من البستان زهرٍ جميل
يوم حان المجال ويوم حان السؤال

وجهتي صوب شاعر ينطق السلسبيل
الأمير المعرّب من عمامِ وخال

ماتجيب الشوارد منه غير الجزيل
صيدته دوم جزله ما يصيد الهزال

مثل وادي إذا ماجاد غيثه يسيل
وقو دفعه يجي ع قد علو الجبال

طاري الطيب يذكر جيل من بعد جيل
وانته شخصك يساوي عندنا راس مال

وللكحيله من الفرسان فارسأصيل
يعجبك ضرب سيفه في زحام النزال

اترك اللي حياته بين قايل وقيل
واتبع اللي بفعله كل ما قال طال

للدروب البعيده شد م السحم حيل
وسط حر القوايل ما تدّور ظلال

سمحة الوجه مع غارب وعنقٍ طويل
ما ظمت بسفيها م الجوازي خصال

كل ما طال صبري قلت صبرٍ جميل
اصبري يا كتوفٍ ترتكي للثقال

كل جرحٍ وله وقتٍ بطبه كفيل
وكل وقتٍ تخصه دولةٍ مع رجال

ما تحمّل المذله غير نفس الذليل
والنفوس العزيزه تنفرد بالخصال

أتّكل في حياتي عالكريم الوكيل
وكل شيٍ سواه نهايته للزوال

جرّب الوقت قلبي ثم خذ له دليل
بأن الإنسان أفضل ميزته الاعتدال

وكل شيِ برايك فيه تقدر تميل
بس باللي توده ما تحب الجدال

طلعة البر تشفي كل قلبٍ عليل
آتلذذ بجوّه يوم عندي مجال

واجمع الخيط الأصفرمع مباهير هيل
وأغنم بفك صوعي عقب فوح الدلال

في مكانٍ فسيحٍ عصر عقب المقيل
ما مشى في قفاره غير ظبي وغزال

ريت في الشعر سحر وصار عندي عميل
كلما زاد حده أحكمه بابتهال

م/ن

نواف بن صعير

المشاركة الأصلية كتبت بواسطة نواف بن صعير

هاجس الشعر يجبر صاحبه نظم جيل
خص كانه تهيا فيه شف ومجال

ودي اقطف من البستان زهرٍ جميل
يوم حان المجال ويوم حان السؤال

اختياراتك موفقه دائما أخوي نواف
صح لسان الشاعر
وعلى ما أذكر أن الفنان خالد عبدالرحمن أنشد هذه القصيده الرائعه والمعبرة

دمت بحفظ المولى

فارس مطير

اسعدني مرورك العطر أخوي فارس مطير

اخوي نواف

صح نقلك وصح لسان شاعرها

سلم نقلك
كلمات راقت لي
كل الشكر نواف