مرثية شالح في أبنه ذيب

مرثية شالح في أبنه ذيب

ياربعنا ياللي على الفطر الشــــــيب **** عز الله أنه ضاع منكم وداعه

رحتوا على الطوعات مثل العياسيب **** وجيتوا وخليتوا لقلبي بضاعة

خـلــيـــتوا النــادر بــدار الاجـــانيب **** وضاقت بي الآفاق عقب أتساعه

تـكـدرن لي صــــافــــيات المشاريب **** وبالعون شفت الذل عقب الشجاعة

يا ذيـــــب انا بوصيك لاتاكل الذيب **** كم ليلة عشاك عقب المجاعة

كم ليلة عشـــاك حرش العـــراقيب **** وكم شيخ قوم كزته لك ذراعه

كفه بعدوانه شـــنيـع المـضــاريب **** ويسقي عدوه بالوغى سم ساعه

ويضحك ليا صكت عليه المغاليب **** ويلكد على جمع العدو باندفاعه

وبيته لجيرانه يشيد على الطيب **** وللضيف يبنى في طويل الرفاعه

جرحي عطيب ولا بقى لي مقاضيب **** وافختّ حبل الوصل عقب انقطاعه

كني بعد فقده بحــــامي اللواهيب **** وكني غريب الدار ما له جماعه

من عقب ذيب الخيل عرج مهاليب **** يا هل الرمك ماعاد فيهن طماعه

قالوا تطيب قلت : وش لون ابا الطيب **** وطلبت من عند الكريم الشفاعة

هلا والله بأخوي وابن عمي الوايلي

قصائد جميلة لشاعر أجمل

سلمت ولا هنت

صح لسانك ولسان الشيخ شالح

يعطيك العافية

مشكووووور

وننتظر ابداعك وجديدك فلا تحرمنا مداد قلمك

كــُـن بــخـيــر أخــي

الــفــــــارس

الوايلي

يعطيك العافية على المرثيه

ومشكور

شكراااا أخوي

مشكور
ويعطيك العافيه