مـحــاورة بـيــن تـركـي المـيـزاني وســوار الـذهـب

₪ ₪ عبدالله الميزاني₪ ₪

يا الله الي عليك الحال والاتكـال=أعقل الذاهبه وأرحـم مداويرهـا
غن يابن عطاالله والمناقش جدال=من لقى عين زمزم من حفر بيرها

::|[ تركي الميزاني]|::

المخاليق في حكمة عزيز الجلال=يوم الايـام ماتومـن مقاديرهـا
المناقش ماهو ممنوع بين الرجال=وأنت عندك علوم مانبي غيرهـا

₪ ₪ عبدالله الميزاني₪ ₪

الفلك مهد مابين اليمن والشمال=بعض الايات مايحتاج تفسيرها
مايكثر شحمك الا الطعام الحلال=مايغش الطيور الا حناجيرهـا

::|[ تركي الميزاني]|::

طال صبري وانا دورك والصبر طال=واتعبتني جهينـه مـع مشاويرهـا
ياموصي عسى عندك من المال مال=شر الايام لايضحك علـى خيرهـا

₪ ₪ عبدالله الميزاني₪ ₪

نوب أنا أزعل عليكم واقطع الاتصال=اكره الدبدبـه وأكـره معاصيرهـا
أنت ياحلو ماتبلش على كـل حـال=كل مألغـي قنـاه تعيـد تصويرهـا

::|[ تركي الميزاني]|::

الزعل وش تبي به ياكريم السبال=خلها تمشي الدنيا على سيرهـا
مايشيل الحمول الا ظهور الجمال=يوم بعض العرب تبدي معاذيرها

₪ ₪ عبدالله الميزاني₪ ₪

صاحبي مايشجعني على الانفعال=والروافض يجيز الشرع تكفيرها
ماتت أم البنات وعاشت ام العيال=علم البـدو لاتتعـب مظاهيرهـا

::|[ تركي الميزاني]|::

أنت أشوفك تحسب أن الحقيقه خيال=لـو تعبـر بهـا يتعبـك تعبيرهـا
لاتـزال الهقـاوي دونهـا لاتـزال=والملفـات ماسحبـت تقاريـرهـا

₪ ₪ عبدالله الميزاني₪ ₪

أطول ايات قرن الثور ولا الغزال=والامارات تضحكني مناصيرهـا
أنت موقوف بين الشك والاحتمال=يعني القدس مايعنيك تحريرهـا

::|[ تركي الميزاني]|::

لو تعرف الاجابه ماطرحت السوال=مايغـش العقـول الا تفاكيـرهـا
كان ودك تجاهد يابن غازي تعال=أعمر القدس ولا زيـد تدميرهـا

₪ ₪ عبدالله الميزاني₪ ₪

لاتصب الغروب ولا تلـف المحـال=لعنـة لليهـود ولحـم خنزيـرهـا
اشهد أنك ولد صاحي ومضرب مثال=يوم تتعب على الكلمـه وتكريرهـا

::|[ تركي الميزاني]|::

لو الايام تكشف غيب سود الليال=كان ماغنت الدنيا على زيرهـا
لو أعدلك أظنك ماتحب العـدال=كل غبة بحر ترمـي بوابيرهـا

ابـــو مــاجـــــد
مشكــــــــــــــــــــــــــور
علـــــى النقـــــل الممـيــــــــــــــــز
وفقــــــــــــــــــــــــــــــــــك الله

ابو ماجد

مشكور

ويعطيك العافيه

ابـــو مــاجـــــد
مشكــــــــــــــــــــــــــور
علـــــى النقـــــل الممـيــــــــــــــــز
وفقــــــــــــــــــــــــــــــــــك الله

كن بخير

قلب الوله

صح الله لسان الشاعرين


سوار الذهب : شاعر بمعنى الكلمه

تركي الفين: شاعر غني عن التعريف

ابو ماجد : مبدع دائما

لك تحيااااااااتي