خاص لقصايد في قبيلة مطير

أي افتخـر بالمعجـزات المعاسـيـر=اي افتخـر بأمجادهـا اللـي بنتـهـا
أي افتخر لا قلت واحد مـن مطيـر=قبيلـة (ن) حتـى الـدول حاربتهـا
يوم الملاقـا ويـوم ذيـك الطوابيـر=ويوم الأصايـل عجعجـت بأغبرتهـا
ويوم إن في الميدان صيـاح ومغيـر=ظنـي تعـرف النـاس وش منزلتهـا
لا صار لي فعل (ن) يشرف وفيه خير=وش يمنـع أنـي أفتخـر بأحسنتهـا
وش يمنع اكشف عن هذيك الأساطيـر=وأفتـح ملفـات الليـالـي طوتـهـا
وأعلـم العـاذل يعلـم بنـا الغـيـر=وأحرق به اللي جاهـل (ن) مرتبتهـا
وأرفـع بكفـي وأستهـل التقـاريـر=وخـل العـواذل تحتـرق بألسنتـهـا
حمر النواظـر والمعالـي مشاويـر=تدحم حيـاظ المـوت مـا زعزعتهـا
كم لحية (ن) صالت وراحت مخاسير=وكم مـن شـوارب فتلـت وأنتفتهـا
حنا سطرنا صفحـه المجـد تسطيـر=وبصماتنـا سـود الليالـي أشهدتهـا
وحنـا فعلنـا المعجـزات المباهيـر=ويـوم النشامـا طيبهـا بأذرعتـهـا
أقولهـا مـا قلـت بالغيـر تقصيـر=كـل (ن) وفعلـه سيئـه وأحسنتهـا
هـذي حقيقـه حـق مافيـه تزويـر=والله حسيبـي لـو ظلمنـا بختـهـا
أي أفتخر باللـي بهـا يشبـع الطيـر=غصب (ن) على الحساد واللي غوتها
أي أفتخر لا قلت واحد مـن مطيـر=قبيلـة (ن) حتـى الـدول حاربتهـا

قالوا مطيــــري قلت افاخــر بســــاسـي



مبنـى شـــرف مـا غيّــره كـل وســــواس

للمجـــد ماخـذ مــن عــدوي قيــاســـي



نختـــار مــن وقفــات اهــلنا ونقتــاس
يـوم الـوفا ومصــادمـة كـل قــــاســي



تعـرف مـواقفنـــا عـلى قـــب الأفـــراس
اهـل النقا واهـل الشــرف والحمـــاســي



مطيـر حمـــران النواظـــر هــل البــاس
بنــوا لنــا بالمجــد رقـم قيـــاسـي



كســــارة الجمعـــه بعيــدين الأرمـــاس
مـن خــيلهم بـاد الحـديـد الســداســي



وبـادت خفــوق الهجــن من كثـر الأمــراس
مرســين لـو كثــرة عــلينا الحســاســي



بيـن الجنـوب ونجــد وديــار عبـــــاس
وشـــيوخنا مثــل الجبــال الــرواســي



شـــوخ لهــم هــــده ورده ومفـــــراس
دوشـــان بشــــيوخ العـــرب ما تقــاسي



روس عــليها وافـــي الطيــب ينقــــاس
وعمــــوم شــوخ مطيــر تجـلى العمـاسي



شــقر الحــرار اللي حــوت كل نومـــاس
عـوق الخــصيم اللي براســـه يبـــاسي



يهــابهم عنـــد اللقــاء كــل مدبــاس
واليــــوم بيّــن بالأمــور انتكــــاسي



ضـاع الوفــا يـوم ارتفـع تـافه النــاس
وقــامت تعــذربنا وجـــيـه البســـاسـي



ويـروجــون لهــرجــة مـا لـها ســــاس
مـرضى النفـوس اللــي تحـب الســــواسـي



نقــالة الشــــينه مـواريـث الأنجـــاس

--------------------------------------------------------

سلام ياترثة صواريم الاحرار=ياللي لكم عندي معزه وتقدير
وسلام تسليمة وفاء تلبس شعار=تضفي على اهل الحفل واللي مسايير
من شاعرٍٍوقت المهمات بيطار=ويقدم الجزلات من دون تاخير
شاعر واعسف القاف وابعد بالانظار=واصخر المعنى على الكيف تصخير
وللحفله اللي كلها طيب وانوار=من طيب اهلها طيبين المذاكير
جينا من اقصى السيف حشمه ومقدار=وللي دعانا مانحسب المشاوير
ودون الخوي والجار مافيه معذار=ولابه عن الواجب صدود ومعاذير
حنا مطير العز وافين الاشبار=حنا الرجال الطيبين المناعير
تاريخنا مايقبل اجحود وانكار=تاريخ واضح مادخل فيه تجيير
تعرف مواقفنا الياشبت النار=ونقلط ولانحسب احساب المخاسير
ونرسي كما يرسي على البيد سنجار=ونرسي كما يرسي جبل حضن والنير
وتشهد لنا كل الحمايل بالاقطار=ولوا الحجر يحكي تحدث عن امطير
وكل الحمايل بالوفا تلبس اشعار=وايظآ لهم بالطيب ورد ومصادير

--------------------------------------------------------

والله ما يـثـّر بالحكى سافل الناس=لاقام يظحك بالخطا والجهالـه
دام نترفع بالفخر فوق الأ نـجـاس=ما همّنا حكى الردى والسفاله
نعز نفسن بالنقا فاقت الماس =ونسابق الطيّب بالجمايل جماله
حنّا مطير ونلبس العز ملباس= نطول عزن غيرنا مايطاله
حوض المنيّه نشعله راس وانفاس=خذنا رجالن ما خذتنا سهاله
حمر النواظر ولا لنا حد وقياس=مقياسنا بحر المنايا وجاله
عيد النظر وارفع عن عيونك نعاس = واعرف رجالن شبرها فى طواله
قومن تذكّر فعلها قب الأفراس=وقومن لها عزن يرتقى فى خصاله
حّنا مطيروفعلنا يرفع الراس=ولا من طلبت المجد حنّا عياله

--------------------------------------------------------

حنّا مطير أهل الشرف والمهابـه=حمر النواظر تاج راسك للهالحين
يوم الحروب ويوم كانـت أنهابـه=وقتٍ مضى ما ترفع الراس والعين
مثلك نهار الكـون مـا ينشقابـه=أطيبكم اللي قيمته خيشـه اطحيـن
أبفتخر فـي عزوتـي يالزلابـه=حنا حرار الجو وانتـم كراويـن
مطير من عصر النبي والصحابه=أسياد في وقت الجواهل وفى الدين
إليا أعتزوا زادو شموخ وصلابـه=وسط الجزيزه ثابته كالضلاعيـن
نمتّد من الحـره للشـرق اللهابـه=أرضاً بحد السيف عليهـا معييـن
واللي غزانا مـا تعـوّد ركابـه=أتلاء عهدهم يوم جونّـا مغيريـن
من رميّنا محد يـروح بصوابـه=ويشهد على ما قول روس المعادين
الله خلقنـا للمـعـادي ذهـابـه=نمسح وجود اللي نوانا على الشين
نغزي ونكسر كل كايـد صعابـه=وعلى ظهور الخيل جبّنا البعارين
يسلـم محالفنـا ويحشـم جنابـه=ويبقون بحمانا ما دامـوا مقيميـن
يذري ذرانـا لكـل حـي لجابـه=زبن الدّخيـل وللعوانـي بساتيـن
وعز الصديق اليا شكى كل مابـه=يلقى الحشيمه عند ربعاً حشيميـن
والطيب فعله مـا فقدنـا صوابـه=فينا الكرم فينا الشهامه عناوييـن
الضّيـف لامنـه لافنـا هلابـه=مبّركين الحيـل وسـط الدواويـن
هـذي فعايـل لابتـي والقرابـه=وأنا أحمد الله ما خلقنـا ضعيفيـن
عبدالله أهل الهوش وأهل الحرابـه=تهوي على العدوان مثل الشياهيـن
كـم راس شيـخ طشتـه للذيابـه=من مات مات وباقي الحيّ مطيعين
وعلوى علت فوق البشر كالسحابه=بأفعولها تروي من الـدّم مياديـن
حوض المنايا تـارده مـا تهابـه=خلف الدويش اللي خضتله سلاطين
وبريه تعّرف في نهـار الطلابـه=إن ثارت الهيجاء عليها سرعيـن
بريه لأهل الشر قبـر ونصابـه=وللأهل الكبود الحاقده كالسكاكيـن
يالابتـي مثلـك ولا فيـه لابـه=يأهل الثلاث معجّـزات الملاييـن
مطيـر حنّـا والذيابـه تشـابـه=ومن ذاق فعل مطير حاقد لهالحين

الـيــا جـهــلــت مـطـيـــر وافـــيــن الأشـــبــار

مــن لا يـعــرف مـطـيـــر يـســمــع خـبــرهــا

ركــز مـعــي واعـطـيـــك مـوجــز لـلأخـبـــار

وأعــرف رجـــال مــطــير وأعـــرف ديــرهــا

عـلـــوى وعـبـداللــه مـثــل ضـلــع ســـنــجــار

وبـريـــه مـثــل طـويــق صــلــبٍ حـجـــرهــا

تـلـقـى لـنـا فــي صـفـحـــة الـمـجــــد تـذكـــار

يــا طـيــب شـــجـرتـنــا وما اطـيــب ثـمـــرهــا

حــنــا هـــل الــــردة وحــنــا هــــل الــكــــار

وبـالـمــعــجــزات مــطــيــــر كــــلٍ ذكـــرهـــا

عـز الـخــوي والـضـيــف والـثــالــث الـجـــار

أهـل الـشــيـم تـلـقـى الـشــحـم فـي ســفـرهــا

مـطــيــر حــمــران الـنــواظــر بــاهل الأنــظــار

لا عـــــدو الــظــفــــران عـــــدو ضــفـــرهـــا

حـريـبــنــا يــشـــــرب قــراطــيــع الأمــــرار

ومــن ريـبـنـــا عـيــنــه يــطــوّل ســـهــرهــا

شــيـوخـنـا الـدوشـان أهـل قـحـص الأمـهـــار

الـرابــــح الـلــي مــا يــجــي فـــي نـحـــرهــا

إخــوان جـوزاء الـلـي لـهـم صـيـت وأذكــار

يـــا ســــرع ردتــهــم وما اســرع خـطــرهــا

والـنــعــم والـنـعـمــيــن تــكـــــرار وأمـــــرار

حــنــا نــجــــوم الـلــيــل وأهــمـه قــمــــرهــا

عـنــا الـقـبـايــل تــنــزح أيـمــيــن وإيــســــار

أحــــدٍ كـســـب لــه دار وأحـــــدٍ خــســـرهـــا

حـدودنـا فـي الـغـــرب مــن حـجـــر ويـســــار

ويـحــدّنــا شـــــرق الــكـــويــت وبــحـــرهــا

ومــن الـحـجـــاز ونـجـــد نــأخـــذ ونـخـــتــار

والـمـجـمــعــة وســــديــر لــلـــي عــمــرهــا

والـصـلــب والـصــمــــان مـــا مـثـلــهــــا دار

عـسـى عـلـيـهـا الـســـحـب يـمـطـر مـطـــرهـا

مــن دونـهــا عــلــوى يـبـيـعـــون الأعـمـــار

فــي رايــة الـدوشـــان مــا أحـــدٍ كـســــرهــا

حــامـيـنـهــا بـالـشـــلــف والـســــيــف بــتّـــار

ولا غــيــرهــم حــــيٍ بـــــذوده نــشــــرهـــا

قـطـعـانــهــم تــرعــى زمـالــيــق الأقــــفـــار

وعـنـهـا الـوجـيـه الـقـشـــر يـبـعـد قـشـــرهــا

وأنــا مــا أذم الـنــــاس فــي كـــل الأقــطـــار

ولا ودي اظـــلـمــهــا ولا أبــغــى قــهـــرهــا

والـيـا مـدحــــت شـــيـوخـنــا مــا بـهــا عــــار

الــعــــار لـــلـــي ســــبــهـــا مـــــا قــــدرهـــا

والـيــوم فــي نـعـمــة بـعــد صــار مـاصــار

فـي نـعـمـــةٍ بـعــض الـبـشـــر مــا شـــكـرهــا

الــشـــــكــر لــلـــه ثـــــم لــلــوالـــد الـــبــــار

الــلـــي حــكـــم بــــــر الــبـــلاد وبــحــــرهــا

قــرب ذلـولــه لـلـســــفــر وقـــت الأســحــار

والـنــور شــعــشـــع حــيـــن دب بـظـهــرهــا

فــي خـدمــة الإســـلام قـامــوا لــه أنــصــار

وبــأمــره مــشــوا ســبــحــان ربٍ ومــرهـــا

قـامـوا هـل الـتـوحـيــد لـيـن اطـفـــوا الـنـــار

وهـل الـفـتــن والـشـــرك الأكـبــر حـشــرهــا

وأرســـى قـواعــدهــا بــعــد حــــج وأزتــــار

وحــكــم بــشــــرع الله والأمــــة نــصـــرهــا

وعـيـالــه الـلــي خـيــرهــم ســـــر وجــهــار

الــلــي عـمــرهــا خـيــرهــم مـــا دمــرهـــا

خــلــوا صـحــاريــهــا بـســـاتــيــن وأنــهـــار

حـتـى الـطـيـور اســـتـأمـنـت فــي شـــجـرهــا

فــي الأرض دبـــابــة وفـــي الــجـــو طــيــار

تـحــمــى ســـواحـلــهــا وتـحــمــي وعـــرهــا

الله يـكـافــيــهــا مــــن عــيـــون الأشـــــرار

وتـعـمـي عـيـون الـحـاســد الـلــي نـظــرهــا

وصـلـوا عـلـى الـلـي لـلـمـخــالـيـق مـخـتــار

عــد الـســنــيــن الـيـالــهــا مـــع شــهــرهــا



-------------------------------------------

ابو ماجد اللة يبارك فيك ويكثر من امثالك امتعتنا ورفعت رؤسنا


وتقبل تحياتي ومروري

مشكور
والله يعطيك العافيه

شكراااااااا أخوي