فتل و نقض بين الزلامي @ ابن عتقان ّّّّّ

. . . . . . . . . . . . . . .

رشيد الزلامي




إبن عتقان في وسط البحر والبحر جزر ومد
وفي جيبه حصاةٍ من جبال أسليم شايلهـا
بعد ما مرنا مسرع وقال إلنا سـلام وصـد
حرامٍ من حزامي ما يـروّح ليـن ياكلهـا



عبدالله بن عتقان




يا بن زيد الزلامي ما يصح إلّا كلام الجد
إبن عتقان ياخذ وزعته ماهو بجاهلهـا
مدام إني مجهز للخصوم الكحل و المرود
فيا كثر العيون اللي تطالعني وأكحلّهـا



رشيد الزلامي




نبي نعطيك ما يرضيك دام إنك بسطت اليد
ومن دور لها عند العرب لازم يحصلّهـا
تفصل لك ثيابٍ ما نبيها يا عريب الجـد
على زيد العضيله روح مترّهـا وفصلّهـا



عبدالله بن عتقان




عسى ربي يكثّر خيركم ماني ضعيف أشحد
كبيره يالزلامي طـال عمـرك لا تكملّهـا
كلامك يالزلامي مالقينا له رجـل يشهـد
فلا تكثر علومك يـا طويـل العمـر قللها



رشيد الزلامي




نهار اليوم و لّا ميـر هـذا ليلـك الأسـود
تكفّـي الأولـه والثانيـه مانـي بقايلـهـا
نبي نضغط عليكم لين أحد يجلس وأحد يشرد
وتشعر بالمصيبه فالعظام و فـي مفاصلهـا



عبدالله بن عتقان




أشوفك يالزلامي تفتل الأشناب وتهـدد
نسيت إن الجبال الراسيه محدٍ يزلزلهـا
تبي تقعد مثل مستور و الثاني يبي يقعد
معي زيد العضيله وا هجاد اللي نقاتلها



رشيد الزلامي




أقول ونعم لكن لن صدمنا في جبلكم شد
وتصبح عندك الضلعان خاليةٍ منازلهـا
سليم أصحابنا وإذا بغيناهم كـلامٍ جـد
نعصر أخشومهم والقوم مانعرف نجاملها



عبدالله بن عتقان




ترى اللي يصتدم بجبالنا والله مهو مسعد
وهذي ناس نرضيها وهذي ناس نزعلها
سليم أصحابكم تحرم لذيذ النوم فالمرقـد
فلا تنسى الرجال اللي قديمـاتٍ فعايلهـا



. . . . . . . . . . . . . . .

محاوره في قمة الروعه بين شعراء عملاقين


الله يعطيك العافيه على نقلها يافيصل

لاهنت

لاشكرا علي واجب ولا هنت سفير المهد

محاورة اكثر من رائعة اخي فيصل ,

وهذي المعاني المغطاة وهنا متعة المحاورة في تفعيل العقل و

تقبل مروري

هلا أبوغاده وحياك الله

استمتعنا اخي فيصل
بهذه المحاوره الشيقه بين شاعرين جزلين

فجر

يعطيك العافيه اخي فيصل

وصح لسان الشاعرين

فجر

الله يحيك وشرفنا مرورك

المغترب

الله يعافيك وحياك الله وشرفنا مرورك