جهام جذبني يوم انا خيل اخياله0000

السلام عليكم ورحمة الله وبركاته
فهذه قصيده من احببت ان انقلها اليكم وهي:ـــ

تهيضت يوم المزن جاله برق ورعود = وخيلتها تبرق وترعد وهماله
وتمطر بتال الليل بأمر ربنا المعبود = بامر ربنا اللي نرتجيله ونشكاله
وانا ساهر يوم البشر نايمين ارقود = على عظم ساقي واقف وحالتي حاله
جذبني رعد وبروق وسط الجهام السود = جهام جذبني يو انا خيــل اخياله
وتمطر ومع الوديان سالة وتملا عدود = ويارد عليها الناس طرقي ورحاله
وانا رافع ايديني وطليت الله الودود = طلبت الله اللي مرسي الارض بجباله
عساها على ديرة هل المعرفه والجود = وتسقي ديرهم من ايمن الدار لشماله
وعلى اثرها الروض ينبة ربيع ويزود = ربيع جميع الناس بالذود تنصاله
ولا واهني اللي وردها ومعه الذود = وبين العـــدود يحــــط بيتـــه ومنزاله
ثمانين وضحا مابها نقص والا زود = وترعـــا على كيفه على حول مدهاله
وساع النحور اليقبلاً والحضور اشهود = تقال الهضا باليدبراً ويشرحـا باله
تفرح صديقه يوم جاها وهو موجود = وتغض العــــدو امرها وتردي احواله
ليا بان خيط الفجر ماهو قليل الفود = صحـا ثم صلـــى ثم ظبط كيف فنجاله
وله مجلسا كل النشاما عليه اوفود= هــل المرجلــه والعـــرف ماهو بجهاله
ومعه موتراً توه جديد وهو مورود =جديد المديل بغال الثمان يشراله
وهذي طرات العمر دام العمر محدود = اله مدة ً من بعدها النفس رحاله

الشاعر :ـــ عمر بن عمران العزيزي




تحياتي للجميع 000

[/align]

صح لسانك

والله يرزقناء انشالله

وتقبل احترامي

صح لسانك
يإبو عمران
ويعطيك العافية

مشكور ابو نواف
صح بدنك
ويسعدني مرورك


تحياتي

ابو ماجد صح بدنك
والله يعافيك
مرورك شرف

الاخ العزيز الشاعر عمر عمران صح لسانك على هذه القصيده الرايعه


وهي تعتبر دعوه وستغاثه للمطر وانشاللة انه يقبل وتربع ديرنا

وتقبل تحياتي

مشكووووووووور ياحامد على المرور المتالق
ويسعدني مرورك يعطيك العافيه
وانشالله تربع ديرنا
اميييييييييييييييييييييييييييييييييييييين






تحياتي

مشكور
والله يعطيك العافيه

شكراااااااا أخوي