طيب الله ثراكم مرثية المرحوم عوض معصب المندهه طيب الله ثراه

هذه القصيده نظمها سليمان الرهيف في المرحوم عوض بن معصب المندهه

البارحه حزنـان مــن بعـض الاخبــار= اخـبـار حـزنٍ ياعسى الله يقــاكــــم
ماقلتها نشطٍ بـتـنـظـيـــم الاشعــــــــار =مليبي إلا مـشتـقـي مـن شــقــاكــم
يامرافقه تســلــم سلامـــات الاسفــار =وعند الــولي جعلــه عـظيمٍ جزاكـم
من جرمني جاني خبر صار ماصــــار =فالله فبـن مـعـصـب يـعـظـم عـزاكـم
رجـلٍ حكيـم مـن ربــوعٍ لـنـا خـيـــــار= يـــابـو محمـد طـيـب الله ثــراكـــــــم
وأرضٍ دفنت بهـــا عساهــا للأ مطار =من رحمة المولى غسيل الـخـطاكم
وعساك مرحومٍ مــاتعرض على النار =وبجنة الفردوس يحسن إقــراكـــــم
عزيز غـالي مــــــن فقيدة هــــل الدار =طـيــلة حـيـاتـه وافـيٍ مـا شـنـاكــــم
رجل الوفاء رجل الشيم واف الاشبار =وإن هـبـة الـحـايـه عـليكم ذراكـــــم
لامن هرج هرجٍ بمقـــيــاس وعــيــار =كــلـمـات حـكـمـه زاـده في غلاكـــم
وســيــع بـال اليــا لفــاء البيت خطـار =من خيرة الخرفان دسمن عشاكـــم
غيثٍ على جاره مــاثقـل علـى الجـــار =ولـروادهـم مـاقـال ذفـــــو وراكـــم
غصبٍ لنــا فرقــاك يـــاذخـر الاحــرار =جـعلك بـجـنـة خـلـد دوماً عساكــــم
جعــلك بــجنة خــلـد بــجــوار الأنصار =انـصـار طــــه حـقــق الله إمـنـاكــم
ولــو بــالمنــا قــلنـا فـدايـاك الاشـرار =جـمـيـع شـريـرٍ لـعـلـــه افــداكـــــم
مقسـوم فـرقـاكــم مـقـاسـيـم واقـــدار =والـحـي مـنـا لابـد إنــــه وراكـــــم
من عايشك يحزنْ ولو بآي الأقطــــار =وأولاك يشكي لوعته من غــلاكـم
والعمـر تقضيـه الحيا اطــوار وادوار =ياحيا القبيله ويسعد الله مــســاكـم
نيـبــو لــرب البـيـت عـلام الاســــرار =يـاربـعـنـا لاخـيـب الله رجــــاكـــــم
وتـعـاونـوا للـبـر يـاكـبـار وصـغـــــار =مادام شمس الشرق تعمر سماكم

مع تحيات اخوكم/ ابن مرهوف

يعطيك الله على القصيده

الله يعطيك العافيه اخوي ابن مرهوف
والله يرحم الشيخ عوض بن معصب المندهه ويسكنه فسيح جناته
واستأذنك بالتنسيق

يعطيك العافيه على القصيدة الجميلة

رحمة الله على الشيخ عوض بن معصب وبارك الله فيك اخي ابن مرهوف
وصح اللسان الشاعر سليمان الرهيف

الله يعطيك العافيه اخوي ابن مرهوف
والله يرحم الشيخ عوض بن معصب المندهه ويسكنه فسيح جناته

الوتيش ، عاشق هباء ، العزيزي المغترب ، المحروم ، نواف بن صعير

اشكركم على مروركم الاكثر من رائع واثلجتم صدري بهذا المرور


تقبلو تحياتي


ابن مرهوف