صـديـقٍ فـي الـرخــاء لـكــن قـطـعـنــي = بـوقــتٍ ضــاق بـــي بــحــره وبـــرّه

السلام عليكم ورحمة الله وبركاته

إليكم هذه المجموعة من قصائد النبط القصيرة والمعبرة وآمل أن تنال على رضاكم :

القصيدة الأولى في الأم وقالها الأمير الشاعر سعود بن بندر


لا كنت أنا لاكان .. يوم زعلتيـه=وشلون أبا أرضي خالقي لا حزنتي
كله ولا تكدير خاطرك مـا أبيـه= كل يهون رضاه عندي سوى إنتي
يااللي وجودك فارغ العمر ماليـه=لا تهت في ليل الأحاسيس بنتـي
لولاك عمري ما تسـاوي لياليـه=عيشة خفوقٍ في صميمه سكنتـي
أنتِ فخر منشاي مرحـوم بانيـه=غير إنك اللي في الطفولة حضنتي
ولولاك ما دورت فالرجـم عاليـه =لامن ونى حيلي نصحتي وعنتـي
الله يدميـك لـي ويقسـم لياليـه=بيني وبينك قبل ما أقـول كنتـي

والقصيدة الثانية للشاعر مساعد الرشيدي في عزة النفس
ينجرح قلب.. لكن ترتفـع هامـه =والله اني لاموت ولاانحني راسـي
لو رماني زمانـي وسط..دوامـه =العواصف شديده .. والجبل راسي
أنقل الحزن وامشي منتصب قامـه=قاسي الوقت .. لكني بعـد قاسـي
واسمع الحلم يصرخ لحظه اعدامه=رابط الجاش ... ماهز الخبر باسي
عزتي غاليه ..والنـاس سوامـه =قلت ماابيع حتى تقطـع انفاسـي
زانت ايام عمري .. شانت ايامـه=مارجيت العزى من رحمة الناسـي
من عجز لايدوس الهـم باقدامـه=لازم انـه مـع الايـام ينداسـي
يندمل جرح قلبٍ ..ماتت احلامـه=بس ما اظن يبرى جرح الاحساسي
يوم صارت مابين القلب والهامـه=وش ابي بالحياة الياانحنى راسـي


القصيدة الثالثة للشاعر سعيد الحمالي في وفائه وغدر الصديق


دع ألــفــاظ الــمــوده ثـــم دعــنـــي =وثــوب الـــود خــلــه فـــي مــجــرّه
لـبـسـتـه حـيـلــةٍ والـقـصد طـعـنــي= بـخـنـجــر وقــع بـظــهــري مــقــرّه
خـطــاي إنــي لـخـوتــكــم دفـعــنــي=نـفــوري مـــن وجــيــهٍ مـكـفــهــرّه
نـعــم خــوة شـديــدالـبأس تـعــنــي = لــي أشـيــاءٍ كـثــر نـجــم لـمــجــرّه
ولـكن شـفــت منـك ما وجـعـني=وكــن الـشــب فـــي عـيــنــي تـــذرّه
صـديـقٍ فـي الـرخــاء لـكــن قـطـعـنــي = بـوقــتٍ ضــاق بـــي بــحــره وبـــرّه
صـديـقٍ فـي الـرخــاء لـكــن فـجـعـنــي= بـيــوم الـضـيــق مـابــيــن مــســرّه
صـديـقـي لـو يـبـي نـفـعـي نـفـعـنـي!!=ولـو يـلـحـقــه مــن نـفـعــي مـضــرّه
ولامــن ضـامـنــي وقــتــي رفـعــنــي= وضـحــكــة نــاجــذي دايـــم تــســرّه
وزمـانـي لــو يـبـعـثـرنــي جـمـعـنــي=خـشـيـري فــي الـزمــن خـيــره وشــرّه
نـويــت أهـيـنــك ولـكــن مـنـعــنــي=شــعـــورٍ بــالــوفــاء !!! لــلـــه درّه
وهـــذي كـلــمــةٍ خــذهــا ودعــنــي= وثــوب الـــود خــلــه فـــي مــجــرّه
وسلامتكم

مشكور ياصاااااااااااااااااحب الفخامه

صاحب الفخاااامه

تسلم يمينك ويعطيك العاااافيه


على هالنقل الراااائع

ولا يسعني سوى ان ارفع لك القبعه اجلال واحترام لشخصك الكريم


تقبل تحياااتي



ابن مرهوف

تسلملي هالانامل
صاحب الفخامة
وفقت في اختيارك
تقبل مروري

الليث, أبن مرهوف , جبر الخواطر
مشـكورين عالمرور الذي يزيدني فخر وأجلال
تقبلوا تحــياتي,,,,,,,,

يعطيك العافيه ياصاحب الفخامه على هذه المقتطفات الرائعه