شعر لحامد زيد قوي جدا

لحظه !! بصحِّح بيننا بعض الافكـار
وباقول لـك حاجـه قبـل ماتقوليـن

لا تحسبينـي بانثـر الدمـع وانهـار
والا اترجى واطلبـك مـا تروحيـن

روحي عسى دربك بساتيـن وازهـار
روحـي وغيـري بالمخاليـق تلقيـن

صحيح لك بالقلـب حشمـه ومقـدار
لكـن شسـوي لـك اذا مـا تحسيـن

لي قلب لامنـه عشـق حيـل مـدرار
ومن الغـلا عنـدي يكفـي ملاييـن

بس إن لقى صد وجفى صـار جبَّـار
وأقدر افـارق واهجـرك لاتخافيـن

يابنت انا لي عزتـي وباخـذ الثـار
وابغى انصحك لارحت اصحي تنادين

ماني براجع لاتقوليـن وش صـار؟
لاتسألينـي ليـه ؟ انتـي تعرفـيـن

غيـرك تمنونـي وبالعـب وباختـار
واعشق بدالك الـف وحـده بيوميـن

وانتي رصيدك بالغلا عندي اصفـار
ماهـو بذنبـي ماعرفتـي تحبـيـن

وكل الذي لجلك كتبتـه مـن اشعـار
والله خسـاره فـيـك ماتستحقـيـن

حتى صورك اللي من العـام تذكـار
بادوسهـا وانتـي قبالـي تشوفـيـن

يامـا عطيتـك الـف إنذار..وانـذار
أقـدر افارق..قلـت لـك : لاتحديـن

واليوم انا ليه اتعـب النفـس واحتـار
دامـك جرحتينـي وكنتـي تسلـيـن

إن كنت حي ومن طويليـن الاعمـار
لجرح بدال الجـرح تسعـه وتسعيـن

والحين يالله خلـي دموعـك امطـار
وباحاول اضحك طول ما انتي تصيحين...

منقول

لا تحسبينـي بانثـر الدمـع وانهـار
والا اترجى واطلبـك مـا تروحيـن

روحي عسى دربك بساتيـن وازهـار
روحـي وغيـري بالمخاليـق تلقيـن


قصيدة رائعة صح لسان قايلها وسلمت يمنى ناقلها

تقبلي مروري

مشكووره يالعتيه

يعطيك العافية اخت العتية

المشاركة الأصلية كتبت بواسطة فجر

مشكووره يالعتيه

هلا اختي فجر


الرائع مرورك ومشكورره

المشاركة الأصلية كتبت بواسطة نوارة

يعطيك العافية اخت العتية

مشكوررررررررررره