غنج ساذج

قصيدة اعجبتني للشاعر
علي السبعان
اتمنى ان تنال استحسانكم

من ناحية صعبه فهي صعبه بجّـد
وان جت على حلوه هي آخر حلاوه
***
فعلاً طويله بس ماهي بـ..ها القدّ
طول الألف باوّل حـروف الغـلاوه
***
جمرة حشا مقصوصة مجدّل اتعـدّ
شقرا على كم خصلـة "كستنـاوه"
***

اليا اقبلت لي بعضها فـبعضها اشتد
بينه ولـها لهفـه وغيـرة عـدواه
***

وان جت تلفّت طاح ضدًّ على ضـدّ
الين يغشى الليـل صبـح النقـاوه
***

فلجا ثغر..غنجا حور ..مهملة قـدّ
في عودها اقسى لين و الين قساوه
***

عكفا هدب..زينة عتب ..زاهبة رد
فيها الهدايـه والهـدى والهـداوه
***

لا سولفت سمّى على انفاسها النـدّ
وكفوفها تمسّـي النـدى بالنـداوه
***

فيها غنج ساذج على ملعنـة جـدّ
على شويّة شطينـه مـع شقـاوه
***

من حدّة الفتنه خـذت فتنـة الحـدّ
تطوي فضا الفتنه بفتـن الفضـاوه
***

تستغفل الغفلـه تـودّد .. ولا تـودّ
تستطيـب الطيبـه لحـدّ الغبـاوه
***

تسرق تفاصيل الصدى لآخر الصـدّ
وتماطل أيـام الرخـا ..بالرخـاوه
***

مدّت لوصلي يـدّ واقصتنـي بيـدّ
لا ذقت وصل ولا شعـرت بجفـاوه
***

راودتهـا ردّت ..تـروّد ..وترتـدّ
تريـد .. تتـردّد ..تــردّد:"رداوه"
***

ولنّي ما احبّ اصلاً أثقّل على حـدّ
خذت القصير من الحفا .. والحفاوه
***

حلـوه وتتغلّـى ولا جـات للجـد
عادي تغلّى من لها هـا الحـلاوه
***

فلجا ثغر..غنجا حور ..مهملة قـدّ
في عودها اقسى لين و الين قساوه
***

راق لنا ما راق لك

تسلم علي النقل يالرهيف

تقبل مروري

عكفا هدب..زينة عتب ..زاهبة رد
*****
فيها غنج ساذج على ملعنـة جـدّ
*****

مدّت لوصلي يـدّ واقصتنـي بيـدّ
لا ذقت وصل ولا شعـرت بجفـاوه

********
رائعه القصيده

ومن نقلها

كان الاروع...

عذوبه صح لسان شاعرها وصح بدن من نقلها
لك
كامل الاحترام والتقدير

فــــــــــــــجـــــــــــــــــر

الله الله يالرهيف كل القصيده ذوق يعطيك العافيه
تقبل مروري

تركي

شكرا على المرور

تحياتي

فجر

شكرا على المرور

تحياتي

الوتيش

شكرا على المرور

تحياتي

بصراحه يالرهيف كل ماجيت اقتبس بيت أحترت فالقصيده كلها
فهذا يدل على ذائقتك وحسن اختيارك
لك مني ارقى التحايا,,,,,,,,,,,

صاحب الفخامة

ماعليك زود

شهادة اعتز بها

تحياتي