يابعد من كدر غيابي مزاجه

يوم هبّ الوقـت وأعمانـي عجاجـه


الفرج عيّا .. وأنـا بالصبـر راهـي







ويوم مال وطـال ميلـه وأعوجاجـه

رحـت أدوّر شـي ٍيشـد إنتبـاهـي











وشفت زولك مقبـل ٍ مثـل إنفراجـه

كنّه اللـي جايـب عـزّي وجاهـي








يـاه ياضيقـات صـدري وإبتهاجـه

تذكر آخر مرة ٍ شفتك ..متى هـي !!








صاحبـك مـن يومهـا زاد إحتياجـه

وأمتطى ظهـرالمصايـب والدواهـي











سولف الليلـه علـى قلبـي وناجـه

من بقى لي غيرك أفخر بـه و أباهـي











يابعـد مـن كـدّر غيابـي مزاجـه

ويابعد من مـرّت حروفـه شفاهـي








رغم حيرة قلبـك ورغـم إنزعاجـه

الزمن .. ماغيّـر احساسـه تجاهـي











][ورغم وحشة بعدك وقسـوة سياجـه

كل حاجه فيـك ظلّـت مثـل ماهـي][




الخجل فـي وجهـك أول مـآنتواجـه

والبراءه في عيونـك وأنـت ساهـي








وبسمتك لامن بغيـت تقـول حاجـه

وغيرتك لاشفت كنّـي عنـك لاهـي







قبل أشوفك .. والزمن عاقد حجاجـه

أسأله : وش فيك ؟! وألقى العذر واهي








ويوم شفتك قلت للوقـت وعجاجـه :

هيه ياللي في طعونـك كنـت راهـي




أنت لـو غيّـرت فينـا ألـف حاجـه

القلوب البيـض تبقـى مثـل ماهـي















فهدَ المسًاعدَ ’


مما راق لي </b></i>

صح لسان الشاعر

تسلم اخي الوتيش على القصيدة الرائعه

صح لسان الشاعر

الوتيش

الله يعطيك العافيه

جميل مانقلت

تقبل مرووووري

الــسفــيــر

تسلموووووووووووووووووووووون على المرور

الله يعطيك العافية أخوي الوتيش علي هالقصيدة الرائعة

وتقبل مروري

الوتيش

احيان لا تكون شاعر ولكنك تملك روح الشاعر

دائماً ذوق في اختيارك

تحياتي

يعطيكم العافية على المرور